Two women take a selfie with the Olympic rings in the background in the Odaiba section of Tokyo, Thursday, March 12, 2020. Doping testers around the sporting world are trying to avoid infecting themselves or athletes during the global virus outbreak, and that's not easy when collecting samples means getting very close to sports stars. (AP Photo/Jae C. Hong)

Un grupo global representando aspirante Olimpico ta pidiendo IOC pa pospone Olimpiada na Tokyo te cu e pandemia di coronavirus ta bou control.

“Mientras mundo ta uni pa limita expansion di covid-19, IOC (Comite Olimpico Internacional) mester hacie tambe”, Global Athlete a bisa den un comunicado di prensa diadomingo.

E muestra di solidaridad aki entre aspirantenan Olimpico ta agrega na decenas di atleta individual kende a expresa contra e posicion actual di IOC, cu ta pa cuminsa Olimpiada segun schedule dia 24 di juli proximo.

IOC ta den consulta cu Organisacion Mundial di Salud (WHO) y a tene na e posicion cu ta demasiado trempan pa tuma decision drastico.

“Ta straño cu IOC no a mustra liderazgo berdadero”, segun Caradh O’Donovan, un fundado di Global Athlete di Irlanda, kende su training di karate ta suspendi pa motibo di restriccion na su pais. “Nan ta actuando comosifuera tur cos ta normal, y ta djis parce hopi straño.”

O’Donovan a bisa cu e desigualdad rond mundo pa cu training, control di doping y standard di clasificacion ta entre su preocupacionnan clave – sentimentonan comparti pa un cantidad di atleta riba rednan social y den entrevista cu AP durante ultimo dianan.

“Atletanan kier ta parti di un solucion pa sigura cu Olimpiada ta un exito”, declaracion di Global Athlete ta bisa. “Pero bou restriccion global actual cu ta limitando reunionnan publico como tambe cerando frontera y facilidad di training, atletanan no tin habilidad pa prepara apropiadamente pa Olimpiada, y nan salud y siguridad mester bin prome.”

E grupo tambe a pidi transmisornan, specificamente NBC, y patrocinadonan pa ‘adopta e mesun nivel di deber di cuido pa cu atleta door di sostene IOC y Comite Paralimpico Internacional cu flexibilidad y comprension durante e temponan sin precedente aki’.

E declaracion ta yega apenas algun ora despues cu atletanan Mericano a participa den un conferencia via telefon pa comparti nan sentimento tocante e crisis y e posibilidad di un Olimpiada posponi. Comite Olimpico y Paralimpico Mericano ta distribuyendo encuesta na atletanan, cu speransa di comparti algun di e respuestanan durante un reunion di IOC e siman aki.

 

LEAVE A REPLY

Please enter your comment!
Please enter your name here