wallup.net

Grunge a bira oro diasabra, na momento cu e guitara cu Kurt Cobaine a toca durante e presentacion di Nirvana den MTV Unplugged na 1993 algun luna prome cu su morto a bende pa e suma astronomico di $6 miyon na un subasta.

E 1959 Martin D-18E cu Cobain a toca den e presentacion acustico inusual di e banda y e album en bibo subsecuente a ser bendi na e Australiano, Peter Freedman, doño di Rode Microphones, na e evento Music Icons maneha pa Julien’s Auctions na Beverly Hills, California.

E ofertanan a habri na $1 miyon pa e benta cu a termina kibrando varios record mundial.

Cobain a us’e pa toca cantica incluyendo ‘About a Girl’ y ‘All Apologies’ na e show dia 18 di november 1993 na New York, cu a tuma luga menos di cinco luna prome cu e cantante y compositor a fayece cu 27 aña di edad.

Un dia prome na e mesun evento di subasta, un guitara personalisa toca pa Prince den añanan 1980 y 1990 a bende pa $563,500, un suma chikito compara cu e guitara di Cobain pero hopi mas cu e $100-200mil cu tabata spera di genera.

Tambe diabierna, un faha macrame cu Elvis Presley a bisti como 30 biaha riba escenario a genera casi 10 biaha su prijs spera, cu un oferta final di $298mil, y un shimis color ivory bisti pa Madonna den su video ‘Vogue’ na 1990 a bende pa $179,200.

 

LEAVE A REPLY

Please enter your comment!
Please enter your name here