Hallazgo mas grandi di narcotrafico den historia di Aruba

Recientemente Wardacosta a realisa probablemente e hallazgo di mas grandi di narcotrafico den historia di Aruba. Autoridadnan confisca e cargacion general di e barco ARESSA diamars mainta ya trece esaki pa waf di Oranjestad. Ministerio Publico ta bisa cu esaki ta e hallazgo di mas grandi di narcotrafico den historia di Aruba.

Medionan Local ta papia di 5000 kilo di droga, pero Ministerio no a confirma esaki ainda.

Autoridad a detene 11 sospechoso tur ta procediente di Montenegro. E barco tabata riba ruta desde puerto di Guaranao, Venezuela y tabata bayendo Thessaloniki na Grecia, ta wordo bisa cu a haya mas o menos un tonelada di narcotico, cual probablemente ta trata di cocaina. E barco a biaha di Surinam na principio di februari, a yama Guaranaó na Punto Fijo, pa despues continua su ruta pa Grecia. E barco a wordo intercepta den awanan internacional y e tripulantenan a wordo deteni ora cu a haya droga abordo incluyendo e capitan.

E barco general di carga ARESSA IMO 7612498 dwt 2649 construi na 1978 cu bandera di Cameroon . ( E barco a wordo remarca na Camerroon na 2019, na 2017 el a wordo marca cu e bandera di Rusia y ainda e managemente di Rusia ainda ta registra como manager di e barco. No ta cla di unda originalmente e barco aki a bini. Durante ultimo añanan na Aruba ta incepta cargacionnan grandi di narcotico . Na november ultimo a encontra dos cargacion di 1500 y uno di 3000 kilo.