Un hoben a humilia tres oficial na New York door di scapa for di un checkpoint den un auto di polis. Nan a boei e hoben su man anto pone sinta patras den e vehiculo pero esaki a bay robes. E hoben a bay cu nan auto anto laga esaki 20km leu diadomingo merdia. Polis ta bisa cu nan a sigui ordo pa laga e hoben su so den e auto – cual no tabata tin division entre parti dilanti cu patras – prome cu bay cune na warda den Washington Heights.
“E oficial kier a haci un otro detencion. El a bisa pa pone e hoben den e auto patras. Tabata haci hopi friu pafo anto nan a laga e auto cendi pa e hoben no bira malo,” un fuente ta bisa.
Manera cu e hoben a haya su oportunidad, el a bula e parti dilanti di e vehiculo anto bay cune. A uza GPS pa localisa e vehiculo. Despues cu a haya e auto bandona, 50 miembro di Polis cu K-9 Unit a bay buska e hoben den e area. E hoben fam Locklear a wordo haya no mucho leu despues anto a wordo deteni. Riba e Facebook di e hoben Polis a mira basta potret unda e ta carga arma y ta haci señalnan di gang.
Por lesa mas aki: NEWS.AU
