Artista di rap, Tekashi 6ix9ine a ricibi orden di libertad inmediato di un prison federal na Manhattan cuatro luna trempan, pa un hues cu a cita su asthma y e peliger enorme cu e lo enfrenta cera durante e pandemia di coronavirus.

Hues di districto Mericano, Paul A. Engelmayer a duna e veredicto un dia despues di bisa abogadonan na ambos banda cu esey tabata su intencion. El a cita ‘un pandemia virulento cu a drenta prison federal na New York City’. Fiscal no a opone e acto.

Siman pasa, e hues a bisa cu e lo a sentencia e artista di 23 aña di edad, kende su nomber real ta Daniel Hernandez, na encarcelamento na cas na luga di prison na momento cu a anuncia e sentencia na december, si e lo tabata sa di e coronavirus e tempo ey.

Engelmayer a duna orden pa liberacion e mesun dia cu el a pidi legisladonan pa duna conseho kico mester haci despues cu un ex- asociado di Tekashi 6ix9ine, kende a ser libera pa motibo di menasa di coronavirus, a pone su mes den peliger pafo di prison.

E hues a bisa cu un video di Kintea McKenzie, kende a declara su mes culpabel den e caso y tabata wardando su sentencia, ‘ta parce di mustra McKenzie ta haci fiesta den cercania di otronan’.

Engelmayer a bisa cu e ta preocupa pasobra e actividad por refleha un violacion di terminonan di lideracion pre- sentencia di McKenzie, y pasobra ‘e conducta mira den e video ta sugeri un completo falta di preocupacion di McKenzie pa evita contagio di su mes y otronan’.

Pa Tekashi 6ix9ine, testimonio contra miembronan di e Nine Trey Gangsta Bloods gang a procura p’e misericordia pa cargonan cu lo a somete su persona na un minimo di 37 aña di prison, pa crimen cu ta inclui orkestra un tiramento den cual un peaton inocente a resulta herida.

E rapper ta sirbiendo su sentencia den un prison priva pasobra el a coopera cu fiscal y pasobra gobierno tin control di dje como un cooperado.

Tabata spera cu e lo keda den libertad dia 31 di juli. E lo ta suheto na monitor electronico te cu e keda liber di encarcelamento domiciliario. Te e momento ey, e por bishita unicamente su abogado of un dokter. Su abogado a bisa cu na october a diagnostik’e cu bronkitis y sinusitis.

Na 2018, Tekashi 6is9ine tabatin un cantica hit multiplatino, ‘Fefe’ cu Nicki Minaj, cu a peak na No. 3 riba chart di pop, y ‘Stoopid’ cu e rapper encarcela Bobby Shmurda.