Cu su 58 aña di edad, Tom Cruise ta sigui haciendo su propio acrobacianan. Den e ocasion aki el a bula di un motorcycle cu maximo velocidad for di un rampa largo pa lansa su mes den aire. Algun ora despues cu a keda revela e video graba na Noruega, unda Cruise ta filmando Mission Impossible 7, e escena di accion peligroso a bira viral riba Twitter.

Un biaha mas, e actor ta demostra cu ningun mision ta imposibel p’e. E video ta mustra un secuencia impactante den cual Cruise ta conduci un motorcycle riba un pasarela construi banda di un sero. Na momento cu e rampa ta termina, e ta sigui core y ta cay cu su motorcycle mientras un parachute ta habri.

E imagennan, graba rand di e sero Helsetkopen den municipio Stranda a wordo capta pa un camara riba un helicopter y un drone.

Director Christopher McQuarrie a publica algun ora prome un potret di e set di e secuencia extremo y espectacular aki pa anuncia e reinicio di filmacion despues di mas di cinco luna den suspenso pa pandemia di coronavirus.

E intencion di McQuarrie y Paramount Pictures ta pa graba no solamente loke resta di e di shete edicion di MI, sino tambe esun di ocho.

E estreno di MI:7 ta programa pa dia 19 di november 2021, mientras cu e di ocho lo mira luz dia 4 di november 2022. Anteriormente, na juli proximo aña, Cruise lo estrena Top Gun: Maverick, e tan spera secuela di e pelicula cu a hib’e na fama den añanan 1980.

Cruise a ricibi permiso pa graba parti di e pelicula na Noruega sin mester cumpli cu rekisitonan di cuarentena. Sinembargo, Variety a informa cu e produccion a contrata dos crucero pa aloha henter e team y mantene nan leu di e localnan.

Cruise un biaha mas a exhibi su talento pa realisa e tipo di toma aki. E actor a bolbe accion despues di varios luna sin traha pa motibo di pandemia di coronavirus, cu a paralisa tur produccion di Hollywood.

LEAVE A REPLY

Please enter your comment!
Please enter your name here