10feb. JM, Raspa Carchi.jpg

Segun Director di Superfood, Jack Bult, nunca a permiti ningun persona pa raspa carchi di credito na Superfood pa haya placa bek. El a agrega cu nan a haya un carta for di un taxista cu nan ta den proceso pa contesta, unda ta para cu tin cliente cu a keha di a mira gruponan di Venezolano ta drenta pa cumpra  cahanan di cerbes pa bende mas barata otro caminda pa nan haya dollar.

Segun Mr. Bult, nan ta percura pa bende no mas cu 2 caha di cerbes pa persona pa motibo cu nan no ta un ‘WholeSale Company’ , tambe, nan ta zorg pa trata decentemente cu gruponan di Venezolano cu ta sigui bin purba di cumpra mas cosnan manera pakinan di papel di WC y mas.
El a agrega cu nan a avisa tur nan caheranan pa no permiti e grupo aki pa puntra otro cliente pa pasa carchi pa nan. Nan sa haci esaki hopi segun Mr. Bult pa asina ki haya dollarnan pa bay bek nan pais cu un tiki mas placa.

Situacion economico na Venezuela

Segun Economista Frances, Jacques Sapir, den un articulo publica riba 21 februari 2014 den Russ Europe, Venezuela ta confrontando un crisis economico basta grandi, den un situacion caminda ainda e ‘bourgeoisie’ , of Clase Medio, ta persisti den kita e poder Bolivariano. E la agrega cu ‘‘Mester di un stabilisacion economico urgente, pero esaki no ta bay resolve tur e problemanan cu tin actualmente den e pais’ .
Den un articulo publica pa di NoticiaCla aña pasa, ta bisa con alarma a bati pa varios negoshi na Aruba cu a wordo atrapa pa banconan pa locual ta nan uzo ilegal di mashin di swipe carchi.
Esaki a bini for di un articulo cu a keda publica den e corant El Nacional na Venezuela cu a crea hopi reaccion. E articulo a wordo publica riba dia 15 di november 2015, caminda Tibisay Romero ta describi e malcontento di e comunidad di Aruba pa locual ta e bishita di cierto Venezolanonan cu ta probecha di e servicio di ‘raspa carchi’.

E fenomeno aki a ta pasa na hopi tienda segun Jan Hup, Wholesale Manager di Ling & Sons. ‘’Na inicio nos a permiti pa cumpra no mas cu 5 caha di cerbes pa persona, despues nos mester a traha un departamento chikito patras pa por a haci esaki door cu e la cuminsa bira mal bista pa Ling & Sons’’,  Jan Hup ta conta Bon Dia Aruba.  Fuera di esaki el a agrega cu e situacion aki a cuminsa trece hopi problema cun’e y ta pa e motibo aki Ling & Sons a pone un stop na dje den e ultimo siman di december aña pasa. Segun Mr. Hup, Polis y Banco Central a bin controla y no a topa cu ningun actividad ilegal di parti di Ling & Sons.

 

LEAVE A REPLY

Please enter your comment!
Please enter your name here