Britney Spears ta adelantando pa tuma decision tocante e futuro di su conservatorship, seugn su tata, kende ta bisa cu prome e corte mester haci algun otro decisionnan mayor tocante salud di e cantante.

Jamie Spears a entrega documentonan legal nobo, obteni pa TMZ, bisando cu abogado di Britney ta bayendo mucho leu door di purba di habri algun parti di su caso di conservatorship, revelando esaki na e publico. Den e documentonan, tata di Britney ta bisa cu prome cu e por rechasa su derecho na privacidad, e corte mester determina cu e tin ‘e capacidad di compronde e consecuencianan’ di e rechaso aki.

Jamie ta argumentando pa tene e recordnan medico di Britney seya, y ta bisa cu e ta preocupa cu nan por tin un efecto negativo riba Britney si nan cay den man di publico. Tambe e ta bisa cu tene e informacion seya ta den miho interes di Britney y su dos yiu.

Tata di Britney tambe ta adresa declaracion di abogado di Britney, tocante cu e cantante kier pas ‘autonomia personal’ den su bida, awo cu e no ta trahando. Den e documentonan, Jamie ta nota cu e conservatorship ta boluntario, y Britney por entrega un peticion pa termina esaki na cualkier momento – pero no a hacie te cu awo.

Manera nos a yega di reporta, Britney ta bisa cu e no kier pa su tata ta e unico a cargo di su decisionnan financiero, y kier un co-conservator. Jamie ta bisa cu e conservatorship di su finanzas ta ‘inextricablemente mara’ cu e conservatorship di su salud, y ta argumenta cu revela detayenan di uno por expone problemanan medico sensitivo.

LEAVE A REPLY

Please enter your comment!
Please enter your name here