(AP) – E era hopi cortico di Mike Richards formando parti di e ekipo di “Jeopardy!” a cuminsa riba dialuna ora cu e programa a lidia cu e berguensa di tin nan apertura di e di 38 temporada cu un anfitrion cu e fanaticonan sa cu ya no ta forma parti di e programa mas.

Richards a retira como Alex Trebek su reemplaso riba dia 28 di augustus y a kita su persona di su posicion como productor ehecutivo un siman y mey despues, algun dia despues cu a descubri cu e programanan den forma di audio cu el a graba den aña 2013 y 2014 tabata tin contenido ofensivo pa hende muhenan y minorianan.

Su seleccion como anfitrion di Sony Pictures despues di un proceso largo cu varios otro persona intentando e posicion, ya tabata tiki popular cu e fanaticonan, prome cu e grabacionnan a sali na lus. Pa motibo cu ademas di e grabacionnan aki, e fanaticonan tabata disgusta cu su seleccion como anfitrion, pa motibo cu segun e fanaticonan, Richards ta cay den e forma perfecto di un anfitrion, un hende homber y di color blanco.

E fanaticonan a haya cu esaki tabata un oportunidad perdi pa e compania y programa duna oportunidad y habri porta pa hende muhenan por tene oportunidad como anfitrion di programa di television, y mas tanto minorianan cu ta ser considera tiki na momento di duna posicionnan manera esaki. E opinion aki a keda reenforsa pa motibo cu tabatin varios otro celebridad cu a participa como anfitrion temporal, y varios fanatico a sinti cu a haci un miho trabao, y tabata un miho opcion cu Richards, sinembargo, pa motibo cu Richards ta cay den e forma general di anfitrion, a scoge su persona.

Su retiro a bin despues cu el a completa full un siman di grabacion pa e temporada nobo, y Sony no tabatin manera di bolbe haci e grabacion sin cu nan afecta e wega su integridad. Pa motibo cu esaki lo a keda inhusto pa e participantenan di e siman aki, y e ganashi cu algun di nan lo por a genera den e siman aki.

A introduci Richards como anfitrion riba dialuna pa medio di un anunciadior, Johnny Gilbert. N a menciona nada tocante su status como Trebek su reemplaso, y si esaki a tuma luga den prome luga, e parti lo a ser edita y kita for di e grabacion.

Prome cu a introduci su persona, a nota y trece dilanti cu Trebek su casa y yiunan tabata presente pa e escenario su dedicacion na e anfitrion anterior di e programa, ken lastimamente a fayece den october di aña pasa.

“Pa prome biaha riba e stage di Alex Trebek, ban hunga ‘Jeopardy?’,” Richards a bisa.

Den honor na Trebek y pa sigui cu e tradicion di Trebek, el a considera e wega y e participantenan di e wega e streanan principal, y no a tuma hopi di e enfoke.

E show ta pasando den un momento historico cu Matt Amodio, un studiante di New Haven, Connecticut ken actualmente a studinte pa ricibi su doctorado. El a gana su di 19 wega consecutivo, aumentando su ganashi total te 642,601 dollar, tras di Ken Jennings y James Holzhauer.

Amodio a logra gana facilmente contra su competidornan Amde Mengitsu di Brooklyn, NewYork y Gabie Kim, di Pittsburgh, Pennsylvania, ganando 67,800 dollar riba dialuna.;

“Jeopardy!” otro siman lo trece actriz Mayin Bialik bek como anfitrion temporal prome cu nan cuminsa un otro ronda di test pa Trebek su reemplaso permanente.

E era di Richards lo caba despues di 5 show. Trebek, ken a cuminsa den su posicion como anfitrion na aña 1984, a tene un total di 8,200 programa graba.