Angelina Jolie dialuna a solicita pa un hues presidiendo su divorcio di Brad Pitt keda retira di e caso pa motibo di no revela suficientemente su relacion di negoshi cu un di e abogadonan di Pitt.

Den un documento na Corte Superior na Los Angeles, Jolie ta argumenta cu hues John W. Oderkirk mester wordo retira di e caso di divorcio cu el a entrega na 2016 pasobra e tabata demasiado laat y no suficientemente transparente tocante otro casonan pa cual el a wordo contrata involucrando abogado di Pitt, Anne C. Kiley.

E documento ta bisa cu durante e proceduranan di Jolie-Pitt, Oderkirk ‘no a revela e casonan cu ta demostra e relacion actual, andando y di cliente repetitivo entre e hues y e abogado di e demandado’.

Ta continua bisando cu abogado di Pitt ‘activamente a pusha pa interesnan financiero di hues Ouderkirk den move – tocante e oposicion di e partido opositor – pa tene su nombramento (y su habilidad di ricibi pago) extendi den un caso di perfil halto’.

Pitt y Jolie, manera otro parehanan di perfil halto, ta pagando un hues priva den nan caso di divorcio pa asina tene hopi di su documentonan y e detayenan personal y financiero den nan seya, maske algun movida legal mester pasa den procedura standard di corte.

Demanda di Jolie ta enfatisa cu un hues priva mester sigui e mesun reglanan di transparencia y conflicto di interes cu e otro huesnan. E documento ta bisa cu ‘no ta importa si hues Ouderkirk realmente tin prehuicio. Bou ley di California ta rekeri descalificacion tanten cu un persona ta na altura di e hechonan cu ‘por rasonablemenete entretene un duda’ tocante e habilidad di hues Ouderkerk pa keda imparcial’.

Den prodedimientonan priva, abogadonan di Jolie a purba di pone Ouderkirk descualifica su mes, pero e documento ta bisa cu banda di Pitt ta insisti di keda cune.

Pitt y Jolie a keda declara divorcia, y a elimina Pitt di nomber di Jolie, na april 2019, despues cu nan abogadonan a pidi un veredicto bifurca, cu ta nifica cu dos persona por wordo declara soltero mientras otro asuntonan, incluyendo finanzas y custodia di yiunan ta permanece.

Pasobra mayoria di e documentonan ta seya, no ta cla ki problemanan ta keda sin resolve, pero Jolie a entrega documentonan na 2018 bisando cu Pitt no ta pagando suficiente alimentatie, cual su abogado a rechasa, bisando cu e documento tabata un esfuerso pa manipula cobertura den medionan di comunicacion di e divorcio.

Jolie di 44 aña di edad y Pitt di 56 tabata hunto pa 12 aña y casa pa dos na momento cu Jolie a pidi divorcio na 2016. Nan tin seis yiu.

LEAVE A REPLY

Please enter your comment!
Please enter your name here