“Juan Gabriel ta bibo” ta e frase cu a reproduci di forma incesante riba rednan social di Mexico diadomingo atardi, pero e realidad no tin nada di haci cu un resureccion di e Divo de Juarez.

Usuarionan riba Twitter y Instagram a repdoduci un materal cu pronto a bay viral, den cual supuestamente tabata aparece Juan Gabriel. “No a queda mi otro, y awo cu mi sa cu tur hende ta cera na Mexico, sufriendo pa coronavirus, awo cu ya ta mei y 2020, mi no por a wanta mi gana di comunica cu boso”, e supuesto Juan Gabriel ta bisa, kende ta aparece sin cabey y un cara un tiki mas rondo. “…Proximo aña mi lo ta den contacto cu boso y bisa boso e berdad”, el a agrega.

Cu e mensahe aki, Juan Gabriel tabata parce di admiti e leyenda a su alrededor, despues cu Joaquin Muñoz a sigura cu e cantante a fingi su morto na augustus di 2016.

Y maske si tabatin similaridadnan entre ambos homber, tambe tabata resulta obvio un straño movemento di e boca di e supuesto Juan Gabriel.

Guillermo Pous, abogado di famia di Juan Gabriel, a descarta cu e cantante ta bibo y cu e persona cu a haci e video ta un imitador. Den un entrevista di radio di Javier Poza, Pous a splica cu tabata un material manipula mediante un app. El a comenta cu algo similar a pasa cu Barack Obama algun aña atras, un incidente cu ta cay den categoria di ‘deepfake’.

“En realidad no ta un imitador… ta un app unda ta usa curpa y voz di un persona y pone e cara di otro, ta sincronisa e audio cu ta scucha cu e lipsync sin cu esaki ta real. Mi ta desconoce su origen.”

Pous a descarta cu lo tuma accion legal pa difusion di e material aki. El a agrega cu na momento cu sa ken directamente ta e persona cu a hacie, na prome luga lo ta ‘esun encarga di 4T’, pues e presidente di Mexico, kende mester tuma accion, ya cu ta bisa cu ‘pa nan el fingi su morto’.

E abogado ta kere cu hende ta sigui pensa cu Juan Gabriel ta bibo pasobra e tabata un ‘icono internacional’, y esunnan cu a defende e teoria aki djis kier tin ‘spotlight nan dilanti’, pero en realidad, ‘no tabatin motibo algun pa e fingi su morto, e tabata feliz cu locual e tabata haci’.

 

LEAVE A REPLY

Please enter your comment!
Please enter your name here