Mientras e strea di reality TV a hala atencion diaranson na momento cu fanaticonan a subi Twitter speculando cu e ta na estado cu su segundo yiu – y atrobe cu su rechaso di e saki – un blog a sugeri cu e atleta profesional di basketball por ta tata di yiu di otro muhe.

E blog, Gossip of the City, a revela supuesto documentonan legal mustrando cu el a haci un test di paternidad januari ultimo, pero no a comparti e resultadonan. Nan a bisa cu Thompson, kende ya ta tata di dos yiu, lo ta haciendo otro test na un facilidad diferente, riba peticion di e supuesto mama den mensahenan di texto supuestamente entre e y e strea di NBA.

Well, ta parce cu tanto Khloe como Tristan a cansa di e situacion, pasobra segun E! News, nan a manda un carta di ‘cease and desist’ na e muhe en cuestion. Nan abogado, Marty Singer, a pidi Kimberly Alexander pa ‘inmediatamente stop di difama nan cu mentiranan malicioso y plama fabricacion’ cu su acusacion di paternidad. Mientras Singer a confirma cu e atleta di 29 aña di edad si a haci e test inicial, el a revela cu esaki a sali negativo, locual a conduci Kimberly na pidi pa e haci otro test. Tristan a bay di acuerdo tanten cu un laboratorio acredita AABB haci esaki.

Singer a bisa den un carta: “Despues cu a traves di un test di paternidad di un di e laboratorionan mas reputable a determina cu Thompson no ta tata di bo yiu, nos a pensa esey lo ta fin di esaki. Na luga di esey, bo a sigui plama mentira tocante mi clientenan, incluyendo teorianan di conspiracion ridiculo cu bo a inventa, acusando mi clientenan di supuestamente di algun manera falsifica e resultadonan di paternidad ya cu miembronan di famia Kardashian anteriormente a usa e mesun laboratorio confiabel.”

El a bisa cu a ‘despedi’ Kimberly di bufete di Lisa Bloom, cu inicialmente a represent’e tocante e supuesto paternindad, y a acus’e di ta hambra pa fama. “Nos ta exigi bo stop di bisa (cu Thompson ta e tata di bo yiu) y cu e y sra. Kardashian di algun forma a falsifica e test di paternidad”, el a conclui.