Tres homber pasando chauffeurnan di truck a horta 3 miyon euro na productonan electronico di un bodega na Aeropuerto di Schiphol, segun e rapport di e programa di television Opsporing Verzocht. E hombernan a uza dos truck cu plachi number horta y hasta a trece un forklift cu nan pa asina nan por a move e cahanan di telefon, drone,y camara den e truck.

Un di nan a tabata tin un jacket geel mientras cu nan a bay nan trabou durante oranan di mainta riba 5 di juni. Den total e hombernan a tuma 90 minuut pa pone e cahanan den e trucknan, tur cos a ser captura riba un camara di vigilancia.

Tambe e ladronnan a bay cu piesanan adicional pa iluminacion di hardin, cual ta parce di ta un eror. Mas despues esaki a ser haya na den bodega na Beverwijk durante un investigacion separa tocante labamento di placa. Un di e trucknan a ser cumpra na Gelderland na april y uno di e dos cumpradonan a ser aresta. E otro cumprado un homber pelon cu accento Hulandes fuerte ainda no a ser deteni. Polis tampoco no a haya señalnan di e bienesnan horta. Autoridad ta sospecha cu e gang mester a ser duna informacion con pa drenta paden y ta parce di conoce cu kico nan tabata buscando. E centro di distibucion di Rangoonweg na Schiphol ta for di servicio.

 

LEAVE A REPLY

Please enter your comment!
Please enter your name here