No por nenga popularidad cu actor Macaulay Culkin a gana durante e prome dos pelicula di ‘Home Alone’, y esaki a keda confirma despues cu el a mustra su serie di tapaboca nobo, basa riba su dos gran exito.
E actor a presumi cu e ta protege di pandemia di Covid-19 cu un tapaboca peculiar, den cual e ta usa su conocido expresion di e dos portada di su peliculanan, den cual e ta pone su mannan cada banda di su cara mientras ta habri su boca den señal di asombro.
E potret ey tabata caracteristico di Macaulay tempo cu e tabata mucha.
Mediante un publicacion riba su cuenta di Twitter, Culkin a skirbi lo siguiente, cu su tono conoci: “Mi ta djis teniendo mi mes safe di Covid-19 usando e cuero desoya di mi mes mas jong. No lubida bisti bo tapaboca, muchanan.” E potret tabata un exito total pasobra a hacie un tendencia riba e red social y a consegui te awo 118mil retweet y mas di 864mil likes, generando hopi interaccion cu publico.
Macaulay Carson Culkin, awo di 40 aña, a bandona actuacion debi na un problema familiar causa pa su fama y e fortuna cu a genera for di e prome pelicula di ‘Home Alone’, suma na su rol protagonico como e personahe di Richie Rich, den e version popular cu el a saca tocante e personahe di comiquita.
Su rol den e peliculanan aki no tabata algo menor ya cu el a gana e Golden Globe pa miho actor den comedia, logrando un fortuna multimiyonario cu a causa e ambicion di su mayornan, kende a dicidi di separa y bringa pa e custodia di e menor y su dos rumannan.
Dilanti di e situacion aki, Macaulay a tuma e dificil decision di bandona actuacion te cu su mayornan yega na un acuerdo y resolve e asunto di forma pacifico, cual a yega na su fin na momento cu su tata, Kit Culkin, a dicidi di entrega custodia na su mama, Patricia Brentrup. Sinembargo, e conflicto a afecta su carera, pasobra el a laga atras rolnan protagonico.
