E bataya real entre Epic Games y Apple ta continua, cu un hues diabierna rechasando un peticion pa forsa Apple permiti Fortnite back den App Store mientras proceduranan legal ta continua. Pero e Corte di Districto Mericano pa e Districto Nort di California tambe a duna orden pa Apple permiti Epic opera su cuenta di desaroyador Unreal Engine den App Store, segun Mac Rumors a reporta.

Esaki ta nifica un orden hudicial – cu ta permiti Fortnite keda prohibi, pero no ta permiti Apple blokea Unreal Engine – awo ta permanente.

Apple y Epic no a duna contesta inmediato na un solicitud pa comentario di CNET, pero Apple a bisa Bloomberg cu ‘ta gradici cu e corte ta reconoce cu accionnan di Epic no tabata den miho interes di su propio clientenan’.

Apple y Epic lo continua nan bataya den corte na mei 2021. Esaki ta continua despues cu Epic a demanda Apple dia 13 di augustus ultimo, despues di acusa cu e reglanan di e fabricante di iPhone rekeriendo un suma di 30 porciento di tur benta di app como anticompetitivo. Epic a kibra reglanan di Apple door di cende un codigo scondi den Fortnite a traves di cual hungadonan por cumpra articulonan directamente for di Epic cu descuento.

Apple a prohibi Fortnite for di App Store como resultado di esaki.

Potret: Forbes.