Machine Gun Kelly y Megan Fox ya a alcansa e etapa di nan relacion den cual nan ta keda drumi cerca otro. Un relacion cu ta parce di ta avansando sumamente rapido.
E actriz tabata saliendo di cas di e rapper na Los Angeles diaranson, y nan tabata mustra hopi comodo cu otro – segun TMZ, casi como un pareha casa – mientras el a cana cune na su auto.
Manera Bon Dia Aruba a reporta caba, relacion di MGK y Megan ta continua profundisando rapidamente. Ya nan tin un luna birando cada bes mas serio cu otro, y Kelly recientemente a declara su ‘amor’ p’e riba rednan social.
Mientras cu no tabatin muestranan obvio di e amor e biaha aki, ta facil pa nota cu MGK y Megan ta pega cu otro.
Un dato interesante tabata cu Megan a sali di cas di MGK bistiendo un tshirt di Pink Floyd, cu ta extrañamente similar na esun cu su ex- esposo, Brian Austin Green a bisti siman pasa mientras el a pasa tempo cu Courtney Stodden. Segun TMZ, te awo BAG y Courtney ta solamente amigo.
Di otro banda, Megan y MGK ta parce di ta den un romance completo.
