Por lo menos 104 kilo di oro, cu a yega Islanan Caiman riba un avion priva procedente di Venezuela a ser confisca na e aeropuerto di Heathrow na London, mientras cu e avion tabata transita pa bay Suisa.
E oro aki a keda confisca pa motibo cu autoridadnan di London ta sospecha cu e ta forma parti di un cartel di droga Sur Americano. E Agencia Nacional contra Criman (NCA) ta hibando un investigacion internacional pa algun luna caba, di cual posibelmente e oro aki tambe ta vincula na e investigacion aki. NCA ta pensa cu uzando e baranan di oro, e cartel lo ta labando placa.
En total, e oro confisca tin un balor di por lo menos 5 miyon di dollar, di cual awo esnan cu tabata tine den nan posesion lo mester bay duna cuenta di esaki.
Potret cortesia NTN24.
