Elmar

Despues e relato di Elmar ayera cu nan no tin culpa di e blackout riba 23 di october. WEB a reacciona awe cu lo haci mas investigacion. Un ‘root cause analysis’ mester demostra unda e fayo a inicia. Pero WEB tambe ta bisa cu ‘na e momento di e blackout, ta e propio tecniconan di ELMAR a informa WEB di e fayo den nan feeder’.

“Mes importante ta pa e companianan ruman WEB y ELMAR comunica efectivamente den situacionnan similar. Di su banda durante e blackout WEB a trata mas tanto posibel di informa comunidad via radio y nan pagina di Facebook y despues via television, pa tene comunidad na altura di ki tempo por spera coriente bek despues di e blackout”, asina WEB ta sigui comunica. “WEB, ELMAR y Utilities lo reuni pa no trece mas confusion riba e susedido aki.”

Comunicacion
Bon Dia Aruba a pidi director di Elmar Rob Henriquez siman pasa dicon su compania no tabata duna informacion durante e blackout. El a bisa cu ora a mira cu WEB tabata activo caba, el a dicidi pa laga e comunicacion pa nan. E no tabata sinti cu tabata necesario e momento ey pa Elmar informa pueblo tambe. A puntra si Elmar y WEB tin palabracion pa kende y con lo duna pueblo informacion ora tin calamidad grandi. E director a bisa cu no tin.

Siman pasa e director tambe a desmenti cu e un fayo den un feeder ta e causa di e blackout. El a bisa Bon Dia Aruba tambe pa WEB mustra unda e fayo ta, pasobra nan no a hay’e.

Henriquez tambe ta splica cu compania of otro cliente no por pidi compensacion pa cualkier daño di un blackout.

 

LEAVE A REPLY

Please enter your comment!
Please enter your name here