Awe 17 november 2020 ta tres aña cu e gobierno di MEP as in ta y a maneha nos pais malisimo, y manera un traidor a entrega Aruba su autonomia den man di Hulanda, A priminti hopi mil y un cos durante campaña y no a cumpli. A priminti entre otro 1. No lo tin mas cu 7minister 2. No lo tin medida 3.No lo crea mas debe 4. No lo permiti corupcion 5. Lo baha edad di pensioen pa 62 ana.6. Lo elimina CAFT 7. Lo reactiva refeneria 8. Lo no hedge.

Punto number 1: Nos tur ta corda e tape na unda minister EWC a bisa cu boca grandi cu no lo tin mas cu 7 minister y esun cu no kier no tin gobierno cu MEP.

Awe nos por mira con a kibra e promesa aki y oranan a sinta nan a sinta cu 8 minister. Punto 2: A priminti cu no lo bin cu medida y awe nos conoce un subida di e BBO cu 1.5%, un subida di grondbelasting y un subida di belasting di salida cu 15 dollar. Punto 3: A crea den tres aña mas debe cu cualkier gobierno den historia. A fia como 900 miyon y awor pa 2020 un otro 808 miyon cu ta un total di 1708 miyonnan ainda falta 2021. Esaki a kibra tur record y a pone nos debe surpasa 200% di GDP di 2020.

Punto 4: Desde cu e gobierno aki a sinta corupcion a bira algo normal den nos gobernacion, tumando decisionnan anti-democratico y anti-constitucional. Nombracionan di friends and family, otorgamento di proyectonan na sponsornan y enrikeciendo di politiconan Punto 5: A priminti di baha edad di pensioen pa 62 aña y nada ainda y te hasta esaki lo por subi pa 66 of 67 aña. Punto 6: A bisa cu lo recupera autonomia bek door di termina CAFT. Contrario a prolonga CAFT ora por a termina esaki y pio ainda awe a entrega nos autonomia den man di Hulanda por medio di COHO y e Rijkswet.

Punto 7. A priminti cu lo reactiva e refeneria y awe nos por wak con nan a comete un error enorme cu e firmamento di e CITCO-deal y pa colmo regala CITCO mas cu 300 miyon. 8. A bisa di no hedge y toch a hedge na mas cu 65 dollar mientras cu crudo oil a baha te cu 10 dollar. Esaki a costa e pueblo algun cien miyon florin. Fuera di e puntonan aki tin mal maneho di economia na unda esaki a keda stagna cu desempleo grandi,finanzas publico desorganisa,enseñansa sin vision y sin solucion,husticia na unda no ta midi cu 1 midi,turismo cu no tin rumbo,salubridad publico na unda e patient nota haya e cuido mereci,social na unda pobresa a subi, calidad di bida a bay atras y mas criminalidad y asina mi por menciona mucho mas.

Un gobierno cu un track record asi no malo no merece di ta goberna. Y nos ta spera cu den e proximoeleccion2021 e pueblo lo husga e gobierno actual ariba nan mentiranan, corupcion y mal maneho cu a causa hopi daño na nos pais y cu nunca mas lo bolbe na mando di nos pais. Nunca ta tin un gobierno asina mediocre den historia politico di Aruba, cu tur loke nan a haci, a fracasa. Nan merece un dikke onvoldoende. Ora un gobierno basa su mesa riba mentira, corupcion y mal maneho e cosecha no lo ta bon,na final di dia for di un mal palo no por produci bon frutanan.

 

LEAVE A REPLY

Please enter your comment!
Please enter your name here