Home Reino Mayornan cu no ta vacuna nan yiu ta haya menos kinder toeslag

Mayornan cu no ta vacuna nan yiu ta haya menos kinder toeslag

633

Mayornan cu ta scoge pa no vacuna nan yiu lo por conta cu menos kinder toeslag. Esaki ta segun presidente di Verantwoord Medicijn gebruik Ruud Coolen van Braken.

Hopi ta boga pa un sistema di boet contra mayornan cu no kier vacunanan yiunan.
Segun sr. Coolen van Braken nan ta bay tras storianan di indjan cu vacunanan ta peligroso pa mucha. Mayornan mester por vacunanan yiunan obligatoriamente. Pero awo mayornan no kier ni discuti si nan ta vacuna nan yiunan of no pasobra esaki ta ‘priva’.

Opvang
Muchanan ta haya nan prome vacuna contra mazelen ora nan tin 14 luna, sinembargo ta hopi mucha ta bay ‘opvang’ prome cu esaki caba. Pues tin un grupo cu no ta protegi ainda ora nan ta drenta un kinderverblijf. Esaki ta un grupo cu ta vulnerabel na wordo pega cu e virus, pa e motibo ey ta esencial pa esunnan rond di nan si ta vacuna.

Pa via di mazelen muchanan por haya complicacionnan manera infeccion di pulmon.
Anualmente, algun 10 mucha ta haya mazelen y esaki ta mas tanto mas di esunnan cu no ta wordo vacuna. Hopi mayor a cuminsa pega di motibonan religioso pa no vacuna nan yiu, pero te hasta esunnan cu no tin religion ta cuminsa lanta contra vacuna. Aña pasa e cantidad di vacunacionnan a baha entre 2 pa 3% .

Conflicto cu ley
E vacuna contra Human Papiloma Virus mes esta HPV, a wordo introduci pa mucha muhenan teenager, mirando cu esaki por preveni e virus cu por hiba na cancer di matriz. Asina mes solamente un 48% di mucha muhenan di e edad di 12 pa 13 aña a bay busca nan vacuna.

Pero aparentemente e ta un ‘trend’ den Europa completo di no vacuna, no solamente na Hulanda.

Actualmente gobierno ta invertiendo un cantidad grandi di placa riba conscientisacion di vacuna, pero e no ta dunando resultado. Pa e motibo ey ta esencial pa bin cu medidanan mas fuerte. Sinembargo cambia e ley ta dificil mirando cu e ta bin den conflicto cu derechonan cu un hende tin riba su mesun curpa y libertad di religion.