Home Reino Taxista ta nenga di duna servicio na un dragqueen

Taxista ta nenga di duna servicio na un dragqueen

353

Despues di evento di pride cu a tuma luga na Amsterdam, un taxista di e compania TCS a nenga di duna un ‘dragqueen’ servicio di taxi. Directornan di e compania a bisa cu nan lo tuma medida contra e chauffeur.

E incidente cu ta involucra e dragqueen, Jennifer Hopelezz a wordo filma y poni riba Facebook. E ta bisa cu e chauffeur tabata nenga servicio na su persona, mientras cu e tabata bis’e ‘ami tambe ta hende’.

Mas discriminacion
Jennifer ta conta cu su caso no ta e unico. El a scucha di 4 dragqueen nan mas cu taxinan rond di Amsterdam a nenga di hiba nan pa nan destinacion despues di pride.

Segun e director di Taxi Centrale Schiphol (TCS), nunca mag di nenga di duna servicio. Solamente cu algun excepcion pa un par di motibonan fuerte. Pero akinan no tabata tin ningun motibo pa nenga e dragqueen nan un lift. E tabata basa riba puro discriminacion.

E director ta bisa cu ainda e no a papia cu e chauffeur, pero cu e ta wardando pa scucha kico e chauffeur tin di bisa y ta spera cu e por tin un bon splicacion pa su actonan y sino e por wordo kita di trabao. Algo cu ta di remarca ta cu e siguiente taxista cu si a tuma e dragqueen, tabata di TCS tambe.