Mike Eman invita pa duna lectura na Hulanda

Mike Eman (AVP)

Specialmente pa su vision y añanan di dedicacion na duna un contenido nobo na e relacionnan den Reino y pa cu Union Europeo, ex Prome Minister Mike Eman a wordo invita pa duna un lectura na e sociedad prestigioso di Hulanda, Litteraire Societeit de Witte. Punto di interes lo ta un analisis di e forma con como Prome Minister, Mike Eman a crea un synergia di cooperacion cu Reino pa focus riba un strategia di oportunidadnan cu win-win pa tur dos banda. Establecimentonan manera TNO, Port Amsterdam, regreso di KLM, proyectonan comun cu Schiphol (Portanan automatico di entrada y salida/ Happy Flow), cu Phillips (conversion di luznan convencional pa LED), Sheepvaartschool Rotterdam, establecimento di un Centro di Excelencia di UNDP pa SIDS na Aruba (CoE) ta ehempelnan di resultadonan importante cu a confirma e potencial di e vision strategico. E resultadonan aki a prueba cu su vision cu un isla chikito manera Aruba tin un balor strategico pa Reino y pa Union Europeo. Enfocando riba e ubicacion strategico, condicionnan climatologico y escala ideal pa desaroya proyectonan innovativo Mike Eman a logra e establecimentonan y desaroyonan aki na Aruba. Den su presentacion na Hulanda y Bruselas lo e enfatisa cu ainda tin hopi mas oportunidad na beneficio mutuo di Aruba, Reino y Union Europeo.

Esfuersonan di Mike Eman ariba tarima internacional a yuda grandemente tambe den posiciona Reino y specificamente Hulanda (Dutch solutions for Global Challenges) den mundo como Pais cu experticio pa yuda soluciona retonan global, manera e retonan rond di cambio di clima y e tema di energia renobabel. Iniciativanan conhunto entre Aruba y Reino na nivel di United Nations y otro plataformanan universal a crea hopi respet y admiracion internacional tanto pa Hulanda como pa Aruba.

E eleccion di Hulanda como miembro di Conseho di Siguridad ta un di e frutanan di e empeño conhunto aki pa cual e ex Prome Minister Mike Eman a haya hopi reconocimento pa su contribucion di parti di Prome Minister Rutte, Minister di Relacionnan Exterior Bert Koenders y tur e cuerpo diplomatico di Hulanda. Eman a wordo delega tambe pa a firma e tratado di Paris di cambio climatologico na Nacionnan Uni den nomber di Reino. E contribucion aki tambe Mike Eman a duna continuamente cu representacion inspirativo den mundo como Hefe di delegacion pa Reino y panelista pa Reino na un cantidad di momentonan internacional di balor grandi pa humanidad riba temanan di Islanan chikito (SIDS), Sustainable Development Goals (SDGs), tema di energia renobabel, desaroyo duradero y renobacion urbanico strategico . Temanan cu e a pone central tambe na Aruba. Mike Eman tabata instrumental tambe den pone Aruba como un participante cu contenido, vision y accion dentro di Union Europeo.

Esfuersonan aki di Mike Eman ta data bek di tempo cu e tabata parlamentario cu e a lucha pa opcionnan huridico keda habri pa Aruba por opta pa un miho posicion den Union Europeo te cu su añanan como Prome Minister liderando esfuersonan pa un miho posicion pa paisnan y regionnan cu status LGO den Union Europeo. Cu awe tin un opcion den Tratado di Union Europeo cu paisnan cu ta LGO y of UPG por tin derecho di cambia status basa riba un provision special den Tratado di Union Europeo ta directamente merito di Mike Eman su trabao. Realisacion di derecho di voto pa ciudadanonan di Reino Caribense hunto cu dr. Mito Croes pa Parlamento Europeo ta otro logro historico. E trayecto huridico constitucional aki sin precedente te den Corte Europeo (Eman/Sevinger) awe ta forma parti di hurisprudencia di transcendental importancia ora papia di derecho di ciudadanonan di Union Europeo.

Literatura y profesornan di derecho den ley di Union Europeo tur ta afirma e efecto significante cu e litigacion strategico aki tin den formacion di e base di derechonan di ciudadanonan di Union Europeo. Esaki ta di hopi importancia pa ciudadanonan di Aruba cu un paspoort di Union Europeo ariba otro temanan di derecho humano banda di e derecho di voto adkiri cu e esfuerso grandi aki. Ta deseo y un compromiso expresa door di ex Prome Minister Mike Eman pa keda activo pa interes comun di Aruba y Reino.

Den e cuadra aki tambe su bishita pa e lectura special aki na Den Haag Hulanda y Bruselas lo inclui reunionnan pa pone un agenda nobo y escogencia di plataformanan nobo den cual un trayecto manera cu Mike Eman tabata tin por sigui wordo utilisa y sigui ta instrumental na interes di humanidad en general, Union Europeo, Reino y naturalmente Aruba.

You May Also Like

‘Hendenan cu a yora cu Otmar Oduber, awe e mes ta manda cas sin trabou’

Miembro di fraccion di AVP den Parlamento, Benny Sievinger a manda palabranan di bon ...

‘Aruba awor tin un bon nomber internacionalmente’

Lider di AVP Mike Eman ta haya cu e trabou cu ta wordo haci ...

Cantidad di empleado publico a reduci na 3% compara cu 2017

ORANJESTAD – Cantidad di empleado publico di 2019 compara cu 2017 a reduci na ...

AVP: ‘Nota di cambio riba presupuesto complementario ta deficit adicional y ficticio’

Ex consehero di Financia y ex minister di Economia di gobierno anterior, parlamentario Richard ...

PPA: ‘Man pisa bahando riba Gab. Mike Eman poco poco pero sigur’

E investigacion rond di ministro Paul Croes ta birando mas y mas cayente mientras ...