E instabilidad den cual Argentina ta pasa for di dialuna pasa, despues di eleccionnan primario den cual e Gobierno a sufri un derota fuerte, a haci cu miles di ciudadano a subi caya pa protesta.

Mayoria di e palabranan cu pueblo Argentino tabata vocifera tabata dirigi contra e Presidente Mauricio Macri, pa ken nan na culpa di e situacion critico cu e pais ta biba.

E resultado di e eleccionnan a haci cu e peso Argentino a cay cerca di 30% dilanti di e dollar durante e siman y aunke e tendencia a bolter diahuebs pasa, e crisis economico cu e pais ta biba a keda evidencia, cu un aumento di inflacion durante e aña 2019.

Silvia Saravia, representante di un organisacion social cu a convoca e mobilisacion, a defende cu esaki ta ‘grave’ pa e organo ehecutivo y pa oposicion, pa nan preocupa mas pa e ‘mensahe duna pa e sector financiero cu e contesta concreto pa e mayoria di hende’.

Diahuebs pasa, e mandatario a anuncia medidanan nobo pa alivia e crisis, entre nan, cu lo elimina e impuesto riba e balor agrega IVA, pa e productonan cu ta haci parti di e macutu basico te cu fin di aña.

Asina mes, a sigura cu ta busca cu e iniciativa lo bay ta ‘un alivio pa e cartera di miyones di Argentino y nos ta bay controla cu e norma aki lo cumpli na henter e pais’.

E norma ta suma pa e medidanan anuncia diaranson pasa, entre cual ta resalta un aumento di 20% di e salario minimo, cu lo beneficia dos miyon di trahado.

LEAVE A REPLY

Please enter your comment!
Please enter your name here