Minister: no ta aproba peticion pa construi hotel na Isla di Oro’

Isla di Oro

Recientemente minister Otmar Oduber(POR) a haci peticion pa ricibi conseho di departamento Directie Natuur en Milieu Aruba (DNM) como tambe Dienst Infrastructuur en Planning (DIP) encuanto e proyecto di Isla di oro.

Pa locual ta e proyecto di Isla di Oro minister ta informa cu despues di un trayectorio largo cu e proyecto aki a pasa aden, y tumando e consehonan referente e importancia ecologico di e area aki den consideracion, a dicidi di no aproba e peticion pa por construi e hotel na e area aki. Esaki teniendo e bienestar di nos hendenan y nos medio ambiente na cuenta.

Esaki ta segun e comunicado cu nos a ricibi di minister Otmar oduber.

Por indica cu pa loke ta trata e desaroyo economico di Pais Aruba y tambe e importancia pa atrae e bishitante mas afluente cu berdaderamente lo por contribui na e economia di Aruba, esaki  lo keda un punto di importancia. Sinembargo tur tipo di desaroyo manera menciona lo mester tuma luga den forma balansa y teniendo nos medio ambiente na cuenta.

Minister Oduber ta indica cu e tempo a yega pa trata e tema di medio ambiente y bienestar general cu seriedad y pone accion na palabra. Conserva nos medio ambiente y sirbi interes general ainda ta un tema cu conoce su retonan  pero cu bon comunicacion y e intencion pa colabora tur reto ta wordo transforma den oportunidad.

E mandatario ta bisa cu manera por a tuma nota durante diferente proyecto y caso di cual e.o. De Veer Chain theaters (den wetland), Island Estates (den groengebied) ta forma parti, a actua conforme e maneho stipula den ROP cu por cierto ta hancra den Ley. Asina semper y cuando actuando conforme principionan di bon gobernacion di cual transparencia y integridad ta forma parti.

You May Also Like

Resultadonan di Betico Croes Memorial Run 2017

Diaranson mainta pa 6’or a tuma luga e Betico Croes Memorial Run cu a ...

Aeropuerto ta inicia proyecto di mas cu 12 miyon florin.

Lo inicia un proyecto di mas cu 12 miyon florin na Aeropuerto di Aruba, ...

Ainda Arubianonan pega na Venezuela por bin bek; Aruba ta ‘wardando y alerta’

ORANJESTAD – Mirando e situacion di tension durante e ultimo dianan rond di e ...

Hospital y Zuyd Hogeschool explorando oportunidadnan pa studia enfermeria riba nivel di HBO

ORANJESTAD – Recientemente, representantenan di Zuyd Hogeschool di Hulanda a bishita Dr. Horacio E. ...

Atia cu hopi keho di comercio di retraso den baha carga na waf

ATIA ta bisa cu nan y e comercio ta preocupa cu no ta bahando ...

Spuitmento2.jpg

Mientras spuitmento di graffiti ta birando famoso, Hues ta nenga Juancho Tromp pa sali liber

Sospechoso J.G.T.  acusa di a comete actonan di abuso sexual contra menor di edad ...