minister Paul Croes

“Mi no a sinti cu tin suficiente politieke draagvlak pa asina elimina e articulo. Como politico esaki mester ta un consideracion y nunca laga orguyo domina bo desicionan”, minister Paul Croes di Labor a informa prensa. “Mi a tuma nota di varios otro sindicatonan cu a vocifera nan preocupacion, y esaki tambe mi mester tene cuenta cune. Sindicatonan ta parti esencial y partnernan importante na momento di maneho y leynan laboral. Mi meta ta keda igual. Mi lo kier mira mas hoben (cu termina nan estudio) na trabou. Tambe mi lo kier apoya personanan riba 50 aña cu no ta hayando suficiente chance pa subi e mercado laboral. Un otro doelgroep importante pa nos por apoya haya trabou ta esnan cu un of otro limitacion. Y si nos por logra esaki sin cu mester elimina e articulo, nos lo considera esaki”, asina e mandatario a splica den un relato oficial.

E ta expresa tambe cu e fraccion di AVP a haci un peticion pa trata na yega na un acuerdo y un ‘tussenweg’ enbes di elimina e articulo aki. Siman pasa el a reuni cu e fraccion y despues a tuma su desicion pa para e eliminacion di e articulo 1613X. Esaki ta regla e periodo di prubeba den contracto laboral.
 

LEAVE A REPLY

Please enter your comment!
Please enter your name here