Na varios ocasion, comunidad a mira e desaster cu ta tuma luga na Cumana na momento cu tin awasero. Ayera tambe tabatin awasero, pero sin e consecuencianan negativo. Durante dia, DOW a percura pa evaluacion tuma luga na e rotonde di Cumana y diferente otro punto cu den pasado a crea problema na momento di yobida, pa cual ta satisfecho cu e trabou.

Segun un comunicado di gobierno, a haci adaptacionnan grandi conhuntamente cu e contratista ehecutando e trabou, despues cu mester a cera e rotonde fin di 2018 pa motibo di gran cantidad di awa cu a keda para na e sitio. A haci calculacion di e fluho di awa den e area, pa cual por mira awe resultado di e esfuersonan aki. Segun DOW, por a mira cu e sistema di drenahe a traha manera cu a spera cu e lo traha.

Na Tanki Leendert a constata cu awa ta para, sinembargo trabounan no ta cla eynan ainda, pa cual director di DOW a splica cu lo sinta cu e contratista, pa asina e adaptacionnan debido tuma luga pa e sistema di drenahe tuma luga debidamente. Mescos ta conta pa e situacion den bisindario di Sun Plaza, unda e sistema di drenahe no ta cla ainda.

Pero DOW ta garantisa cu ora cu e trabounan ta cla, tur e sistemanan lo funciona debidamente. Aworaki e punto di enfoke ta ‘ringweg 3’, pero DOW tin otro sitionan rond Aruba identifica cu por tin problema cu awa. Di e forma aki, ora cu ta temporada di yobida/horcan, por mobilisa. Lo traha riba e sitionan aki tambe, segun planificacion y fondo di DOW.

 

LEAVE A REPLY

Please enter your comment!
Please enter your name here