Ministerio Publico ta organisa competencia di requisitoria pa studiantenan di derecho na Aruba

Ministerio Publico

MINISTERIO PUBLICO.JPG
Ministerio Publico hunto cu Corte Superior di Husticia, Universidad di Aruba (UvA) y Ordo di Abogadonan a organisa un competencia di requisitoria pa studiantenan di ley na Aruba. E competencia lo tuma luga na fin di maart venidero.

E ganado lo participa na e final di e Competencia Nacional di Requisitoria pa Studiantenan (NRWS) riba 21 di april 2017 na Amsterdam. Mescos cu Aruba, Curaçao tambe lo tene un competencia y lo participa na e final na Hulanda. E competencia na Curaçao lo tuma luga riba 17 di maart. Tur gasto ta cubri pa Ministerio Publico na Hulanda. Un fiscal lo coach e candidatanan prome cu e competencia. E competencia ta encera cu e participantenan ta drenta den rol di un fiscal y ta haya un dossier, a base di cual nan lo tene un requisitorio y lo reacciona den replica riba e defensa di un abogado. Di e manera ey lo imita un caso penal mas realistico posibel. E ganado lo wordo saca pa un hurado profesional. Na Hulanda e finalistanan lo participa tambe na un tayer di tecnica di debate pa e Instituto di Debate di Hulanda. E iniciativa aki tambe ta pas den e meta di Procurador General di Aruba pa recluta miembronan di Ministerio Publico den futuro aki na Aruba mes.

You May Also Like

img_1443311380_415.jpg

Zonido duro diasabra procedente di Venezuela

ORANJESTAD –  Segun nos colaborador nan na NoticiaCla, ta hopi yamada a drenta diasabra ...

Bureau City Inspector ta haya dos auto nobo pa mehora su servicio riba caya

ORANJESTAD – Den dianan aki, Bureau City Inspector a haya dos auto nobo cu ...

FTA a gana referendum di trahadonan di departamento di Beverage di Hyatt hotel

Diahuebs atardi, sindicato FTA a logra e mayoria di voto di e trahadonan di ...

Parlamento a aproba 5 ley den 1 dia

E reunion ayera den Staten a bay den un forma turbulento unda oposicion a ...

kustwacht

Venezuela ta yuda den buskeda di boto cu 10 persona perdi for di Aruba

Ainda kustwacht no a localisa e boto La Rumbera cu 10 persona abordo. E boto ta ...