FILE - This undated photo made available by NASA on Friday, Aug. 3, 2018 shows, from left, Sunita Williams, Josh Cassada, Eric Boe, Nicole Mann, Christopher Ferguson, Douglas Hurley, Robert Behnken, Michael Hopkins and Victor Glover standing in front of mockups of Boeing's CST-100 Starliner and SpaceX's Crew Dragon capsules at the Johnson Space Center in Texas. On Thursday, Nov. 14, 2019, NASA auditors warned the space agency faces “significant safety and technical challenges” that need to be solved before astronauts fly in private capsules. (NASA via AP)

Auditornan di NASA a adverti diahuebs cu e agencia espacial ta enfrenta ‘retonan significante di siguridad y tecnico’, cual mester resolve prome cu astronautanan por biaha den capsula priva.

Den su reporte, oficina di inspector general di NASA a nota cu Boeing y SpaceX ta varios aña laat pa transporta tripulacion na Stacion Espacial Internacional (ISS na Ingles). E capsulanan priva probablemente no lo keda certifica prome cu berano proximo, segun e reporte, y NASA mester pone un fecha realistico pa evita pone siguridad den riesgo.

Oficialnan di NASA tabata di acuerdo cu esaki y mayoria di e otro recomendacionnan den e audit di 53 pagina.

E auditornan a reporta, mientras tanto, cu NASA a paga Boeing $287.2 miyon di mas, pa tene e compania bayendo dilanti. Mayoria di esaki tabata innecesario, nan a bisa, un punto cu cual NASA no ta di acuerdo.

E reporte a demostra cu den averahe, un stoel den e capsula Boeing Starliner lo costa $90 miyon, casi dobel e prijs di un biahe riba e Dragon di SpaceX, cu ta costa $55 miyon. Esey basa riba un tripulacion di cuatro persona biahando un of dos bes pa aña.

Den caso di mas retraso di Boeing y SpaceX, NASA ta buscando pa cumpra stoelnan extra riba raketnan Ruso na 2020 y 2021, otro recomendacion di e auditornan. NASA ta pagando Rusia pa ferry astronautanan na ISS desde cu e shuttlenan a stop di bula na 2011; e prijs mas recien tabata como $82 miyon pa aña.

SpaceX a test e motor di lansamento riba un di su capsulanan diaranson ultimo na Cape Canaveral, un aparente exito. April ultimo, e mesun test a resulta den destruccion di e capsula.

Proximo pa SpaceX – posiblemente proximo luna – ta un test di e sistema di escape di emergencia durante un lansamento. Esey lo ta e ultimo obstaculo mayor pa SpaceX prome cu lansa un para di astronautanan di NASA na ISS otro aña.

Boeing a completa su test di aborto di lansamento siman pasa na New Mexico. Unicamente dos di e tres parachute a habri, pero e capsula bashi a aterisa di forma sigur. Boeing tin meta pa lansa un Starliner – sin tripulacion – na ISS na december. SpaceX a conduci un vuelo di test similar na maart.

Durante un bishita na e Ames Research Center di NASA na nort di California diahuebs, vice presidente Mike Pence a bisa cu astronautanan un biaha mas lo sali for di Cape Canaveral pa spring. E no a indica cua compania lo por ta e prome.

Boeing y SpaceX a logra progreso significante durante e ultimo ocho aña, inspector general di NASA, Paul Martin, y su auditornan a conclui den e reporte. “Sinembargo, despues di mas di dos aña di retraso, ambos contratista lo perde e schedule actual pa cuminsa vuelo di test cu tripulacion na fin di 2019”, nan a skirbi. “

Boeing and SpaceX have made significant progress during these past eight years, NASA Inspector General Paul Martin and his auditors concluded in Thursday’s report. “Probablemente lo dura un tempo significante pa aborda e retonan tecnico, test di siguridad y prestacion, y verificacion di e rekisito, peliger y preocupacion pa siguridad di e contratistanan.”

 

LEAVE A REPLY

Please enter your comment!
Please enter your name here