Combina un imaginacion activo cu un imagen di Mars, y bo lo por mira un tapijt, un insignia di Star Trek, of hasta Pac-Man riba e planeta cora. E team tras di e camara HiRise riba e Mars Reconnaissance Orbiter di NASA a imagina un dragon.
Team HiRise a comparti un imagen di un cañon riba Mars como un potret di dia. “Nos a bolter e imagen di un material bloki den Melas Chasma sur occidental, pasobra for di e perspectiva aki, e ta parce un dragon Chines”, e grupo a tweet.
E sitio HiRise maneha pa universidad di Arizona a destaca un serie di valle chikito cerca di e parti abou di e imagen. “Varios di e depositonan color cla ta mira unicamente den e valle, sugeriendo cu nan ta sea deposita of exponi pa erosion”, e team a skirbi.
Melas Chasmas ta un parti di e sistema di cañon masivo Valles Marineri, ubica den ecuador di e planeta. “Tin evidencia di accion di tanto awa como biento como modo di formacion pa hopi di e depositonan interior”, NASA a bisa na 2017 tocante Melas Chasma.
Camara di MRO originalmente a captura e potret parecido na dragon na aña 2007. E ta resalta e rikesa di imagen historico den archivo di HiRise. E orbiter ta den residencia na Mars pa mas di 14 aña y ta sigui manda imagen valioso di e superficie di e planeta, mientras ta investiga historia di awa eynan.
