Padu Lampe su obranan mester proteccion como patrimonio cultural no material di Aruba

Recientemente, sr. Juan Chabaya Lampe, cariñosamente conoci como “Padu del Caribe”, co-autor di nos Himno Nacional, esta “Aruba Dushi Tera” cu e aña aki ta wordo conmemora 40 aña cu el a wordo oficialisa,  a ricibi bishita di un grupo di amigo y admirado di dje. 

E anochi placentero aki a wordo organisa pa e comerciante sr. David Cybul kende ta un gran amigo y fiel admirado di Padu Lampe su aportacion valioso pa nos cultura. Un cantica cu Padu su yiu muhe, Vivian a interpreta riba piano tabata “Abo So”. E tema masha popular aki composita pa Padu a bira un energizing pa su autor kende hunto cu e cantante Victor Samuel “El Duke”, a cante cu masha entusiasmo y alegria. 

Vivian Lampe a declara cu su tata a composita alrededor di 550 obra, pero solamente algo mas cu 100 tin su partitura. Pero di nan solamente 12 cancion ta esun mas popular entre nan “Abo So”,  mientras cu e otronan ta core e riesgo di bay den olvido. Nan ta obranan cu mester wordo considera como patrimonio no material di nos cultura, caminda mester rescata nan pa nan no bay perdi.