Panamá: Presidente electo ta mantene reconocemento pa Guaidó

E recien electo presidente di Panama, Laurentino ‘Nito’ Cortizo, a sigura cu lo mantene reconocimento pa Juan Guaidó como presidente interino di Venezuela.

E mandatario a expresa ayera cu ta dispuesto pa ‘revisa e papel’ cu e Grupo di Lima tabatin den e buskeda di un solucion pa e crisis Venezolano, y ta sigura cu esey no a avansa hopi.

“Nos, na e momento aki, e Republica di Panama tin un relacion directo cu e gobierno di Guaidó. Esey ta respeta”, e presidente a afirma den un entrevista cu e television local, y el a agrega: “Mi ta aprecia hopi e esfuerso di e paisnan di e Grupo di Lima, hopi. Pero mi ta puntra mi mes cuanto nan a avansa. Nan a avansa pa e manera di yega na un acuerdo cu no ta exclui ni un hende? Eynan ta e pregunta” e presidente e electo, ex-minister, y ex-legislado di e Partido Revolucionario Democratico a bisa.

“E problema di Venezuela no ta solamente Maduro… tin otro factor, y si nos por yega y sinta na mesa, y cu tur sector lo sinta, Venezuela ta gana y e region ta gana, sin exclui, y tin algo di transicion tanten cu lo yega na un eleccion cu lo duna garantia pa e Venezolanonan, cu ta un pais grandi; mi ta sinti cu Panama den e sentido ey por contribui”, el a afirma.

E crisis Venezolano, caracterisa desde aña pasa pa escasez di productonan basico y remedinan, un historico hiperinflacion, destruccion di e aparato productivo y un insiguridad cu ta laga mas di 20.000 morto cada aña segun dato di ONG, a drenta den un etapa di agudizacion cu e asuncion di e di dos mandato consecutivo di Maduro, y e huramentacion di Guaidó como gobernante interino.

 

 

 

You May Also Like

Vice-presidente di Asamblea ta refugia den embahada di Chile

Freddy Guevara, vice-presidente d Asamblea Nacional,  a solicita proteccion den embahada di Chile, despues di menasa ...

Drama di severo malnutricion di mucha na Venezuela

Venezuela ta bibando un crisis economico grave y muchanan mas hoben ta e grupo ...

Ex-gobernador Mexicano cu tabata fugitivo deteni na Italia

Tomás de Jesús Yárrington Ruvalcaba, ex-gobernador di estado Norte di Tamaulipas- Mexico, cu tabata ...

Motin a laga 5 morto y 17 herido den prizon na Brasil

Diamars cinco prizonero a muri durante un motin, na un prizon di estado di ...

Nicaragua: Gobierno di Daniel Ortega ta libera otro 50 preso politico

Gobierno di Nicaragua a libera ayera un grupo di 50 manifestante opositor cu tabata ...

Refineria Amuay na menos di un tercera di su produccion pa falta di crudo

Segun agencia noticiero Reuters desde siman pasa, e destilador number 3 di Amuay, e ...