Cuba: Grupo di migrante Cubano a pidi asilo politico na Panama

Un grupo di 34 migrante Cubano a solicita asilo politico na Panama. E grupo ta actualmente na Los Planes de Gualaca, y a solicita na Oficina Nacional pa Atencion di Refugiado (ONPAR) asilo politico, segun e diario LaPrensa (di Panama).

Servicio Nacional di Migracion (SNM) a duna e noticia despues cu autoridadnan Panameño a alerta tocante e creciente cantidad di persona indocumenta na provincia di Darien (frontera cu Colombia).

Na e momento aki ta conoci cu e Cubanonan lo mester yena un solicitud di asilo pa ONPAR por considera nan caso. Si nan peticion keda aproba, nan por keda den teritorio Panameño den condicion di refugiado.

Desde varios luna e fluho di migrante cu ta drenta Panama a aumenta desde diferente luga na Suramerica. E pais Centroamericano ta ser considera un di e puntonan di transito mas importante den e ruta di hende indocumenta rumbo pa nan destino final cu ta Merca.

E Cubanonan, manera otro migrante, mester a pasa den situacionnan peligroso, pasando den e legendario selva di Darien, cu experiencianan dificil di imagina.

Te cu april, SNM a registra mas di 560 detencion di stranhero na Panama cu un status migratorio iregular e aña aki. Di e cifra aki, un total di 171 persona ta di nacionalidad Cubano, e grupo mas grandi entre esunnan aresta. Na maart autoridadnan Panameño a deporta 62 persona procedente di Cuba.

 

You May Also Like

“Aruba ta para dilanti di e reto pa cumpli e aña aki tambe cu e norma di deficit legal”

Pa medio di un comunicado, e presidente saliente di College financieel toezicht (Cft), Age ...

situacion financiero arubus Br 1.jpg

Arubus: nos no ta den situacion cu nan no ta paga nada

–  Director di Arubus, Theo Croes a indica cu e situacion financiero di e ...

image.jpeg

Varios herido den accidente fuerte na Siribana

Diamars pasa di 7:30 anochi riba e caminda di Siribana na Santa Cruz caminda ...

Paul Croes ta keda minister a pesar di ta deteni

Tres dia despues di detencion di minister Paul Croes, gobierno finalmente a kibra silencio ...