Parlamentario Endy Croes ta lamenta e manera di cu Fraccion di AVP ta hibando oposicion y a vota contra e Ley di Intergidad pa candidato pa ministers conosi como ley di screening pa ministers. AVP den blokke a rechasa e Ley aki cual finalmente a keda 10-10 y no a wordo aproba.
Mike Eman su ruman a cobra 1.6 Miyon pa un solo auto di careda:
Durante 8 aña di Mike Eman fiesta y Friends & Family tabata na ordo di dia pero Mike Eman a percura pa paga su amigonan keri esta Patrick Paskel y Speed un suma bunita di 7 miyon florin na tur sorto di propaganda pa asina tene esakinan hustamente scondi pa pueblo. Manera gobierno nobo a sinta como Parlamentarionan por a manda schriftelijke vragen pa e minister encarga cu diferente departamentonan di gobierno y e berdadnan a cuminsa sali. Asina por a constata con Mike Eman a previligia su ruman cu un suma di 1.6 miyon di plaka di belasting di pueblo pa e por a biba y core su auto di careda na merca. Tur e demas autonan di careda na Aruba no a ricibi un trato preferencial asina. Esaki tambe ta motibo cu AVP a vota contra e ley aki. Cu e ley aki esaki no lo por pasa mas den futuro.
Si e ley a pasa nunka mas Visser por a predevigia su mes:
Richard Visser otro x minister di AVP den su reinado a mira un buraco den mercado. Incontinentie material manera pampers pa hendenan di edad tabata wordo entrega door di tur Botica na Aruba. Visser como doño di diferente Botica a dicidi pa AZV hasi un destaho bou man ( pues no publico) y Visser a gana esaki. Pues te cu awe compania di Visser ta entrega esakinan y ta cobra pa esaki 12 miyon for di AZV pa aña. Cu e ley aki esaki no lo por den futuro.
Desiree su casa a strika den Lotto y serca Mike de Meza:
Otro tipo di abuso. Casa di x parlamentario Desiree Croes esta Benvinda Da Sousa tabata miembro di Directiva di Lotto y tabata cobra separa invoicenan di 30 mil pa luna pa duna conseho banda di su vergoeding. Alaves e tabata “HUUR” Lotto un espacio den su propio oficina pa directiva di Lotto reuni. Banda di esaki e tabata riba payroll di Mike de Meza strikando plaka. Cu e ley aki Desiree su casa nunka mas por abusa di plaka di e pagador di belasting na e manera bergonsoso asina. Pa esaki tambe AVP a vota contra e ley.
Bermudez a enrikese su mes cu contracto lucrativo:
Bermudez como Partners di un compania renombra den accountant a percura pa e compania aki bende belastingkantoor un software cual a costa miyones. Tur esaki sin ningun destaho. Asina ta un verkapte weg pa enrikese bo mes como x minister. Lo bin mas amplio cu detayes riba esaki. Cu e ley nobo aki di coleganan Edgard y Rocco inplace nunka Bermudez no por a escohe pa su mes sacando miyones di plaka di pagador di belasting na e manera aki. Pesey AVP a vota contra.
Juan David a percura pa entrega gobierno autonan di Polis:
Juan David ta otro x minister di AVP fracasa totalmente. Juan David su highlight di su carera como politico y e manera cu pueblo lo recorde ta e momento el a bay Hulanda como x minister di finansas y a keda sinta den gang sin por a papia cu e minister di Hulanda e tempo aya y a regresa Aruba na joramento entregando su retiro na Airport. Pero Juan David ta wordo recorda tambe pa por a fix pa gobierno cumpra autonan di Polis via su compania. Esaki tampoko lo mpor mas na e manera cu el a wordo hasi dado caso e ley wordo aproba. Pa e motibo aki tambe AVP a vota contra.
Patricia Dowers tambe a strika 400 mil na conseha:
Parlamentario Dowersa x minister di Husticia kende mester mantene su mes atleast un tiki na integridad ta esun cu a presenta un amienda cu cantidad di cambio pa cambia e contenido di ley pa faborese AVP den futuro. Patricia Dowers tambe a cobra 400 mil tempo Dowers ta x minister bou gobierno di AVP. Si e ley aki a pasa manera Coleganan Edgard y Rocco a presente nunka pero nunka mas den futuro ni si Dowers bira Minister bek ( cual lo dudo) casa no por wordo previligia pa cobra sumanan asina. No papia mes di Richard Arends cu a strika 4 miyon florin.Pueblo por compronde awor dicon AVP cueste loke cueste a bay contra e ley? Papiando di Friends & Family? Por check cu AVP!
