Recientemente sra Arends- Reyes a haci entrega di preguntanan cu a bay pa Minister di Turismo contesta Parlamento tocante e suma cu gobierno lo mester haya di ATA pa 2020. Tin indicacion cu tin sumanan cu a wordo acorda den Ministerraad for di fondo di Emergencia di ATA lo mester bay pa gobierno, mescos cu e decision pa gobierno haya 12.6 miyon pa DOW nan maneho di operacion.

No ta descarta cu DOW lo mester e fondonan pa mehora operacion pero esey no kiermen cu gobierno por dicidi den Ministerraad cu ta aloca e fondonan y ATA lo mester cumpli sin mas, siendo cu tin regla y proceduranan pa yega na e fondonan di emergencia di Turismo.

Mescos den pasado a presenta cu Parlamento den su totalidad a logra conhuntamente pa purba yuda Tiara Air cu 1 miyon, awor ta sumanan mas grandi cu lo mester saca di e fondo di emergencia pa gobierno y ta Ministerraad so ta dicidiendo. Den pasado a percura pa e fondo di emergencia di Turismo ta saludabel cu den un caso cu por evita un calamidad of su efectonan Aruba lo tin fondonan aparta pafo di presupuesto pa por actua rapidamente. Tawata tin situacionnan cu a yega di presenta caminda mester a aloca mas fondo pa mercadeo durante aña pa motibo di factornan externo y ta netamente e ora ey ta bin Parlamento, splica, haya un base amplio y ta ehecuta. Ta keda awor pa Minister contesta e preguntanan y tambe pa evalua bon e proceduranan y impacto di e decisionnan pa 2020 sra. Arends-Reyes ta termina bisando.

LEAVE A REPLY

Please enter your comment!
Please enter your name here