Den fin di siman un incidente lamentabel a sosode na KIA, caminda un detenido a logra huy. Awe nos lo manda pregunta por escrito na Minister di Husticia pa mas lihe posibel Parlamento wordo informa di e resultado di e investigacion interno. Esaki cu e solo meta pa Parlamento, si ta necesario por aloca fondo adicional pa nos Instituto Coreccional y evita un incidente asina den futuro.

Investigacion Interno
E sucedido cu a tuma luga por tin di haber cu falta di tecnologia, scarsedad di personal, of kisas infrastructura. Nos no kier bay specula awor pero kier wordo informa mas lihe posibel door di Minister di Husticia riba e resultado di e investigacion interno. Esaki cu e solo meta pa evita cu esaki por tuma luga den futuro.

Formatieplan
Na mes momento nos ta haci un apelacion na Minister di Husticia pa mas lihe posibel  formalisa e reorganisacion di KIA. Esaki ta un proceso cu tin andando pa basta tempo caba. Na 2017 tin te hasta un comunicado interno a wordo emiti cu lo inicia e proceso di solicitud a base di e “formatieplan” nobo. Nos ta compronde cu kisas kier a trece algun cambio den e plan cu a wordo laga atras, pero ta necesario pa aworaki tuma un decision riba esaki. Nunca no por complace tur partido, pero a base di un regla di evaluacion y den bon dialogo, mester tuma decision aworaki.

Pa conclui
Den un siguiente articulo lo mi elabora riba un Instituto Correcional nobo, su implicacionnan financiero y su necesidad. Pero na mes momento si e memorandum financiero indica cu un KIA nobo no por wordo realisa aworaki lo amplia riba otro metodonan pa mitiga diferente di e riesgonan actual.

 

LEAVE A REPLY

Please enter your comment!
Please enter your name here