Partidonan den coalicion a firma acuerdo di gobernacion

Ayera rondona cu cantidad di simpatisantenan, amigonan y familiarnan na Hooiberg, partidonan MEP, POR y RED a anuncia cu a keda cla cu e di dos parti di e proceso di formacion y a firma e acuerdo di gobernacion.

Esaki tabata algo cu ya a anticipa di ayera mainta ora e formado y lider di partido MEP Evelyn Wever Croes a sali for di gobernador (lesa mas riba pagina 32). Puntonan central den e acuerdo ta financia publico responsabel, bon gobernacion, transparencia, integridad y humanidad.

Manera cu formador y lider di partido MEP Evelyn Wever Croes a anuncia algun dia pasa cu a cuminsa cu un acuerdo di formacion. A firma e prome acuerdo na Ayo simbolicamente mustrando e firmesa y solides di e barancanan di Ayo, segun e formador. Ayera e encuentro na Hooiberg tabata ‘pa simbolisa cu mescos Hooiberg ta para central na Aruba – di tur parti di Aruba practicamente por mir’e – asina ta simbolisa e compromisonan cu a yega na dje den e programa di gobernacion’.


“Un biaha mas, nos no a pidi coalicion. Pueblo a pidi un coalicion. E bos di pueblo ta bos di Dios. Anto nos a tuma e mensahe aki hopi na serio. A pesar di kico nan por bisa di nos, nos ta determina pa nos logra”, sra. Wever Croes a bisa ayera na prensa.

Den e manera aki a finalisa e proceso di formacion pa bay awo na reparticion di carteranan, despues na e personanan cu ta bay bira minister. Esaki segun e formador ta cuestion di algun dia mas cu nos lo mira nan huramenta.  E programa di gobernacion ta uno un poco mas detaya di e acuerdo cu nan a firma na Ayo. Ora nan a firma siman pasa, nan a yega na e liña general y kico ta e puntonan cu kier hiba den formacion di un coalicion. E prome segun e formador ta e punto di integridad, cu pa nan integridad no ta simplemente un palabra, e ta algo pa bo biba. E politiconan ta enfatisa cu e programa aki ta uno cu sin fayo lo bay dura cuater aña minimo, y te hasta por bira mas cu esey.


Candidatonan pa minister
Nos lo bay mas den e detaye di e programa aki den siguiente edicionnan. Pa cu e carteranan di minister, nos tin informacion cu te awor pa cartera di minister Husticia tin e candidato Andin Bikker (POR); pa cartera di minister Plenipotenciario tin e candidato Ady Thijsen (MEP); pa minister di turismo tin e candidato Dangui Oduber (MEP). Evelyn Wever-Croes lo ta nos siguiente prome minister. Riba e resto di e candidatonan pa minister nos no tin informacion fidedigno.

You May Also Like

‘Instancia no por haci mucho si no tin cambio den ley’

Recientemente a surgi un discusion riba e topico di abuso di mucha relaciona cu ...

PAR a gana eleccion Corsou

Cu 6 asiento (4 +2 restzetel) PAR a sali ganado di e eleccion na ...

aruba prome wega olimpico 5.jpg

Aruba su prome Wega Olimpico na 1988

Awe e atleta Nicole van der Velden ta exhibi e bandera nacional di nos ...

Minister Oduber y KvK a elabora riba desaroyo ROP

E comision di ROP di Camara di Comercio y Industria di Aruba (KvK) a ...

InselAir Aruba a scapa bancarota

Corte a duna InselAir Aruba tempo pa cumpli cu su debenan. Asina e no ta ...

29Video.jpg

Reginald Danies: ”Gobierno kier manipula hende cu video”

Segun Sr. Reginald Danies, e video cu Minister Paul Croes a saca recientemente contra ...