FILE - In this Thursday, June 20, 2019 file photo, workers move a whale by a crane in Srednyaya Bay, out of Vladivostok, Russia. Russian officials say a plan to put nearly 100 illegally captured whales back in open water has been successful so far, but environmentalists said Thursday July 4, 2019, it was poorly planned. (AP Photo/Alyona Stepanova, File)

Cientificonan Ruso a bisa diahuebs cu un esfuerso pa libera casi 100 bayena captura ilegalmente bek den lama tabata exitoso te awo, pero algun ambientalista a bisa cu tabata mal organisa.

E condicion di 97 beluga y orca, cera den condicion preta den lehano oriente di Rusia, a lanta preocupacion internacional, y presidente Vladimir Putin personalmente a duna orden na autoridadnan pa investiga e caso y libera e animalnan.

E prome grupo a keda libera bek den lama di Okhotsk siman pasa. Vice prome minister, Alexei Gordeyev, a bisa Putin diaranson cu e bayenanan a re- adapta completamente na un habitat natural.

Coordinador di Greenpeace Rusia, Oganes Targulyan, a bisa diahuebs cu e ta kere cu e animalnan marino mester a pasa algun tempo den refugio temporal prome cu a laga nan den lama habri.

Targulyan a bisa cu move e bayena riba truck den tanki di awa tabata representa riesgo innecesario, argumentando cu lo ta preferibel pa move nan den barco.

Cientificonan cu e Russian Federal Research Institute of Fisheries and Oceanography a rechasa e critica, bisando cu a tuma tur precaucion pa libera e prome dos orca y seis beluga. Nan a insisti cu e bayenanan tabata sigur.

A dura 10 dia pa move e animalnan for di e facilidad di container marino cerca di e puerto di Nakhodka na un area unda nan por wordo libera di forma sigur cerca di e awanan unda nan tabata biba. E esfuerso a involucra expertonan di e instituto kedando cu e animalnan den tanki di awa durante transporte, pa tene nan mas confortabel y sigur cu ta posibel.

“Niun hende den mundo tin experiencia den liberacion masal di bayena”, segun Vyacheslav Bizikov, un director interino di e Russian Federal Research Institute of Fisheries and Oceanography.

Bizikov a bisa cu otro grupo di bayena lo keda libera proximo siman.

 

LEAVE A REPLY

Please enter your comment!
Please enter your name here