(NLTimes)—Polis Hulandes a interveni den un grupo di demostradonan pro-Palestino dilanti e embahada Israeli riba Johan de Wittlaan na Den Haag diasabra atardi. Segun un vocero, polis a detene un persona. A bisa cu e persona aki no a sigui e instruccionnan di polis.
Segun Omroep West, aproximadamente 150 demostrado a reuni dilanti e embahada. E vocero pa polis, sinembargo no kier a confirma e cantidad aki. Video for di e locutor regional a mustra varios decenas di hende participando den e demostracion.
E demostradonan a bin na e embahada pa motibo di un demostracion pro-Palestina pero a ser forsa pa polis pa move pa Presidente Kennedylaan, un tiki mas leu for di e embahada. Omroep West a reporta cu esaki a envolvi “pushamento y rancamento.” E demostradonan a grita varios slogan y a carga bannernan cu diferente mensahe yamando pa un boycott di Israel, segun Omroep West.
E caya dilanti di e embahada Israeli a ser cera pa algun tempo luna pasa. E motibo pa esaki tabata un menasa “cu mester tuma hopi serio,” manera e alcalde di Den Haag, Jan van Zanen, a bisa e tempo ey. Sinembargo, e alcalde no a bisa ki tipo di menasa esaki tabata encera. Despues di aproximadamente dos siman e caya a habri back.
Segun e locutor, tabatin un contingente grandi di polis durante e protesta, cu seis auto di polis y e forsa di rebeldia presente na e sitio.
