Polis detene dos persona cu a tira den Madiki

Dialuna anochi un auto cora a pasa den Canoastraat na Madiki cu tres persona abordo y nan a los tiro caminda un otro auto a keda perfora.

Polisnan di biaha a presenta na e sitio y cera e area pa haci investigacion y busca e balanan.  A tuma nota cu un auto a keda perfora y testigo a duna e oficialnan e number di e auto sospechoso. Den area di Hato un persona tabata sigui e auto y informa autoridad. Asina na Tanki Flip polis a topa cu e auto y e chauffeur no kier a para y sigui core. Finalmente a logra di para e auto. E tres persona a baha y core pero polis a detene dos homber. E otro a scapa y probablemente tin e arma di candela den su poder.