(AFP) – Polis di Reino Uni a bisa dialuna cu nan a aresta 2 hoben despues di e atake mas reciente na sitionan incluyendo esnan Hudiu na Londres, treciendo e cantidad di aresto pa 6 incidente na 15.
Matt Jukes, comisario di Metropolitan Police, a bisa cu e arestonan nobo a bini den medio di un patron di “delincuente pa contrata” mientras Reino Uni ta mira “e presion di estadonan hostil drentando nos comunidad.”
Den Parlamento, minister di Seguridad Dan Jarvis a denuncia violencia contra Hudiunan Britanico como un “atake contra nos tur,” primintiendo cu lo “haci tur loke por pa para e cobardenan y delincuentenan cu busca intimida nos comunidadnan Hudiu.”
Londres su forsa policial ta investigando si e atakenan ta instiga pa influencia di Ira, mientras Rabbi hefe di Britania a adverti contra un “campaña sosteni di violencia y intimidacion” contra Hudiunan na Reino Uni.
“Pa cualkier persona cu tentacion di ofertanan di premio financiero for di estadonan exterior pa ehecuta atakenan hostil na Reino Uni, mi conseho y mi mensahe no ta ambiguo: bo lo ser descubri y e consecuencianan lo ta severo,” Jarvis a bisa den Parlamento.
Den e incidente mas reciente diasabra, un boter cu “algun tipo di substancia” a ser tira via un bentana na Kenton United Synagogue na Harrow, Londres, segun polis.
Huma por a ser mira paden di e camber, pero ningun herida a keda reporta segun polis.
Dos hende homber, di 17 y 19 aña, a keda aresta y ta keda bao detencion.
Jukes a bisa BBC radio cu awo tin 15 aresto despues di 6 incidente separa riba terenonan cu ta inclui un servicio di ambulance lidera pa Hudiunan y un outlet den media di idioma Perso. El a agrega cu e posible rol di influencia externo ta un “linea sumamente serio di investigacion.
“Nos a mira un patron cu otro actornan di delincuente cu por contrata – hende cu ta tuma placa. E ta mustra manera placa lihe y facil,” Jukes a bisa, notando condenanan aña pasa den e caso cu ta involucra individuonan trahando pa Rusia su Wagner Group.
Esaki ta parti di e guera hibrido moderno cu ta lucha pa influencia externo,” el a agrega.
“Nos ta mira claramente e presion di estadonan hostil cu ta drentando nos comunidadnan, y autorid lo responde na esaki.”
Un grupo tiki conochi, Haraka Ashab al-Yamin al-Islamiya (HAYI), cual tin conexion cu Iran, a tuma responsabilidad pa varios di e atakenan cu a tuma luga recientemente, segun SITE Intelligence Group.
Mientras preocupacion pa cu e atakenan a keda bira mas intenso, ehfe Rabbi Ephraim Mirvis a bisa den un publicacion riba X cu “un campaña sosteni di violencia y intimidacion contra e comunidad Hudiu di Reino Uni ta hayando mas momentum.”
“Danki Dios no a perde ningun bida, pero nos no lo, y no por, warda pa esaki cambia prome cu nos compronde con peligroso e momento aki ta pa henter nos sociedad,” el a agrega.
