Agentenan di polis militar na Schiphol a tira un homber kende tabata arma cu un cuchiu largo despues cu el a nenga di laga su arma bay.
Marechaussee a ser yama na e gang di salida principal di e aeropuerto dialuna nochi, despues di reportenan cu un homber tabata canando den e area cu un cuchiu.
Na momento cu e homber repetidamente a ignora yamado pa pone abao e arma, cual a bisa tabata ‘decenas di centimeter’ largo, polis a tir’e cu arma di candela y arest’e. Un segundo homber, mira riba camara di seguridad na e aeropuerto cu esun cu tabatin e arma, tambe a keda aresta.
Un vocero a bisa AD cu e aeropuerto tabata keto na momento di e incidente, pero cu varios biahero a mira e homber ta zwaai e cuchiu. Polis despues a bisa ayera cu e homber kende a ser tira ta di nacionalidad di Tanzania, y tabata causando problema anteriormente. E segundo homber cu a keda aresta no ta ser considera un sospechoso mas, y polis a bisa cu no ta probabel cu tabatin motibo terorista.
