Ponson prome landado Arubiano cualifica pa Wegenan Olimpico

Landado Allyson Ponson

“Diahuebs anochi, tabata uno historico pa e deporte di landamento di Aruba. Durante e competencia organisa Club Delfines del Naco teni na e pais di Republica Dominicana, e atleta Arubano Allyson Ponson a logra landa un tempo increibel den e 50 meter estilo liber y asina bira e prome atleta Arubiano den e deporte di landamento cu ta logra un clasificacion oficial pa un Weganan Olimpico. Nunca antes un landado di Aruba a yega di clasifica pa un Weganan Olimpico.

Den e 50m estilo liber, Ally Ponson a landa un tempo di 25.89 cual ta un record nacional nobo pa Aruba. E alegria tabata inmenso cerca henter e delegacion di Aruba presente na e Compleho Acuatico del Centro Olimpico Pablo Duarte. Despues di e clasificacion di e atletanan di sailing Philipine van Aanholt, Nicole van den Velden y Thijs Visser pa e Weganan Olimpico di Rio de Janeiro 2016 , awo ta e landado Allyson Ponson cu lo join e trio como un atleta mas di Aruba clasifica pa dicho weganan di otro aña.”

Esaki Comité Olimpico Arubano ta informa.

You May Also Like

7Jul, JO, Abuso1.JPG

Abuso di mucha na Aruba no ta un secreto

Segun cabesante di St. Aloysius School, Sr. Vladimir de Cuba,  mester pone atencion riba e ...

minister Paul Croes

Minister: no tin suficiente sosten politico pa elimina 1613X

“Mi no a sinti cu tin suficiente politieke draagvlak pa asina elimina e articulo. ...

Cuerpo di Duana demotiva y preocupa pa nan siguridad

ORANJESTAD – Ainda e demotivacion ta reina den cuerpo di Duana. A pesar cu ...

Servicio di celular di Setar a cay afo pa oranan largo.jpg

Servicio di celular di Setar a cay afo pa oranan largo

— Ayera nochi, cuminsando alrededor di 7’or, usuarionan di servicio di celular Setar a ...