E prins Britanico kende ta preparando pa hala atras di su debernan real, normalmente lo ser referi como ‘sir’ of ‘su altesa real’. Pero mientras tabata introduci e pa papia riba turismo sostenibel na un evento na Scotland ayera, e duke di Sussex a bisa cu e formalidad no ta necesario mas.

“El a laga na cla cu nos tur mester djis yam’e Harry”, host di e conferencia, Ayesha Hazarika a bisa. “Pues damas y cabayeros, por fabor duna un bonbini Escoces caluroso na Harry.”

E peticion ta refleha e cambio sismico na caminda den monarkia Britanico.

Prins Harry y su esposa, Meghan, ta bisa cu nan lo aleha di mayoria di debernan real cuminsando dia 31 di maart, stop di ricibi fondonan publico y purba di bira financieramente independiente. E pareha, kende a ser nombra Duke y Dukesa di Sussex dia di nan matrimonio, tambe a bandona plan pa usa e brand ‘SussexRoyal’ pa motibo di reglanan Britanico gobernando uso di e palabra ‘royal’.

Harry a papia na un evento pa Travalyst, un coalicion cu el a funda hunto cu companianan manera Booking.com, Skyscanner, Tripadvodir, Trip.com y Visa. E conferencia na Escocia tabata un discusion riba sostenibilidad den biahe, incluyendo creacion di un sistema di punto online pa cualifica e ‘eco-friendliness’ di varios vuelo, acomodacion, y experiencia di vakantie.

Harry a adverti cu e aumento di turismo ta dañando algun di e sitionan mas stima di mundo. “Si nos no actua y den gran parti bay dilanti di e aumento inevitabel, e aumento masivo aki lo nifica pone den riesgo di destruccion of contaminacion mas di e destinacionnan mas bunita di mundo, cu mas comunidad abruma, mas beach cera pa contaminacion, y animalnan y bida salvahe saca di nan habitat natural – algo cu tin un impacto enorme riba comunidadnan y ta reduci oportunidad di turismo”, el a bisa.

LEAVE A REPLY

Please enter your comment!
Please enter your name here