Un profesor di Massachusetts Institute of Technology, usando ciencia di computer pa detecta cancer y descubri remedinan nobo, a gana un premio di $1 miyon pa inteligencia artificial (AI).

E sociedad mas grandi di AI a otorga su premio top ayera na Regina Barzilay, un profesor den laboratorio di ciencia di computer y inteligencia artificial na MIT.

MIT ta bisa cu Barzilay ta un sobreviviente di cancer di pecho, kende su diagnostico na 2014 a haci cu el a cambia su trabao den AI pa crea sistema pa desaroyo di remedi y diagnostico trempan pa cancer.

Varios hospital a test su herment di diagnostico trempan, incluyendo Massachusetts General Hospital na Boston, y otronan na Taiwan y Suecia.

E ta e ganador inaugural di e premio anual nobo, duna pa e Asociacion pa Avance di Inteligencia Artificial, y funda pa compania di educacion online Chines, Squirrel AI. E tin como meta eleva avancenan den AI na nivel di un premio Nobel of Turing Award di ciencia di computer, alabes cu ta resalta investigacion AI cu ta beneficia sociedad.

LEAVE A REPLY

Please enter your comment!
Please enter your name here