Pronto online shopping lo bira realidad pa consumidor y comerciante na Aruba. E plataforma TurEsaki.com ta un online marketplace estilo Amazon. Riba e plataforma aki, tur comerciante local por bira miembro facilmente, y asina bende nan mercancia online na un mercado local y internacional.

Retailers a wordo afecta hopi duro.
Un di e gruponan di comerciante cu mas a wordo afecta pa e crisis di COVID-19 ta retailers. Como negoshi no esencial, retailers mester a sera porta y keda sin un forma pa genera entrada. Awo cu Aruba a logra ‘flatten the curve,’ esaki no ta cambia e realidad cu COVID-19 lo keda un problema pa e mundo di retail. Na prome luga, e peliger COVID-19 lo keda fluctua di awo te cu 2022. Na segundo luga, e comportacion y e preferencia di e consumidor a cambia pa semper. Nunca lo por bolbe por completo na con cos tabata prome cu e crisis.

Awe, hopi comerciante ta buscando informacion pa traha un website pa por mercadea nan productonan online. E realidad ta cu creacion di un webshop ta un proceso sumamente caro, y unabes e keda cla, ainda no kiermen cu e webshop automaticamente lo ricibi trafico. Ta existi algun plataforma online manera Shopify y Wix, pero varios comerciante ta encontra problema ora di adapta esakinan pa uso local. Entre otro, e hecho cu nan no por ricibi pago.

Plataforma di e-commerce.
E plataforma TurEsaki.com ta un online marketplace caminda cu tur retailers di Aruba por mustra y bende nan productonan. Aki e consumidor por shop productonan di varios comerciante pareu, pone tur den su shopping cart, y na final completa e pago na un forma 100% digital cu credit card, debit card, Paypal, iDeal of opta pa swipe.

Miembresia basico di TurEsaki.com ta completamente gratis cu excepcion di un comision chikito riba pagonan digital pa cubri gastonan bancario.

Un impulso economico

Retailers riba TurEsaki.com ta probecha di sinergia. Door di uni hunto cu un cantidad di retailers, e plataforma ta fungi como un virtual shopping mall. Hasta esnan cu no kier cumpra online, di e forma aki por haci ‘window shopping’ prome cu dicidi di sali for di cas.

Un di e aspectonan mas beneficioso pa nos economia ta cu hende bibando den exterior lo por haci compras pa yuda nan famianan residencia na Aruba. Por ehempel, un studiante bibando na Hulanda, cu tin su trabou y/of ta ricibi studiefinanciering, lo por subi e website y cumpra productonan riba e adres di su mayornan of manda flor y regalo pa su famia. Cu un klick, e ta cambia e moneda di Dollar pa Euro anto paga cu su carchi di banco Hulandes.

Tambe, esnan cu ta den grupo di riesgo di COVID-19, por keda participa den nos economia pa medio di cumpra y paga pa nan articulonan na forma digital.

 

TurEsaki.com.
Ultimamente, e meta di TurEsaki.com ta pa conecta e mercadonan di tur e islanan di Caribe Hulandes cu otro pa asina hunto nos tur por para mas fuerte. Despues di e lansamento di Tur Esaki na Aruba, lo sigui cu e expansion y inclui Curaçao, Sint Maarten y e islanan BES.

Comerciantenan cu lo kier ricibi mas informacion por tuma contacto libremente cu Bryan van Putten via bryan@turesaki.com.

LEAVE A REPLY

Please enter your comment!
Please enter your name here