(EFE) – E protestanan di diaranson ultimo na Colombia, cu a hiba na caya miles di persona mal contento cu e reforma fiscal presenta pa Gobierno na Congreso, a laga dos morto, 26 persona detenido y 44 polis herido, asina como tambe basta daƱonan material pa accion di vandalismo, segun autoridadnan.

E episodio mas tenso a ser biba na Cali, na unda e jornada a cuminsa bira mas cayente despues cu un grupo di indigena Misak a tumba e estatua di e fundado di e ciudad, e conkistado SpaƱo Sebastian de Belalcazar.

E alcalde di Cali, Jorge Ivan Ospina, a destaca ā€œe derecho pa manifesta den contra di politica di Gobierno Nacionalā€ pero a lamenta cu mientras algun tabata protesta, ā€œotronan di manera pre-medita, iresponsabel y criminal, a actua pa vandalisa e Cali stimaā€

Segun e alcalde, e ā€œpersonanan aki a dividi na diferente puntonan di e ciudadā€ y a actua na oriente ā€œna unda desafortunadamente un persona a muri den echonan cu no ta clarifica y cu tin vinculo cu e manifestacionā€.

Un otro persona a fayece na Neiva, capital di departamento di Huila, na momentonan cu tabata participa den e manifestacion. Ta parce cu su fayecimento a ser causa pa un atake di epilepsia y , segun e hospital na unda a wordo hiba su curpa, no tabata ā€œpresenta perforacion ni herida pa arma di candelaā€.

Di su parti, minister di Defensa, Diego Molano, a informa cu tabatin 44 polis herido, 30 di nan na Cali y a detaya cu 26 persona a keda deteni na seis ciudad di e pais, 19 di nan na Bogota.

Polis y Gobierno te ainda no a informa riba e number di persona civil herido, pero organisacionnan civil como CampaƱa pa Defende Libertad, cu ta eleva na cuater e number di fayecido (tres di nan na Cali y otro na Neiva), ta papia di casi mey centenar di herido na varios punto di e pais.

Na Bogota, un grupo di individuo a ataca e instalacionnan di e canal di TV RCN y di su canal internacional NTN24, accion cu a wordo rechasa pa e compania den un comunicado.

LEAVE A REPLY

Please enter your comment!
Please enter your name here