DEN HAAG - Ernst Kuiper voorzitter van het Landelijk Netwerk Acute Zorg (LNAZ) tijdens een technische briefing in de Tweede Kamer over het coronavirus. ANP PHIL NIJHUIS

(DutchNews.nl) – Tres luna di toque de queda no tabatin ningun efecto riba e cantidad di hospitalisacion relaciona cu Covid-19 na Hulanda, pero e medida tabata necesario pa slow transmision di e virus, segun hefe di asociacion di cuido intensivo di Hulanda.

Ernst Kuipers a bisa programa di television Beau diaranson anochi cu e toque de queda tabata un ‘experimento’ necesario pero ‘no controla’ cu ‘mester a haci’.

“E calculacion tabata cu e toque de queda lo reduci admision den hospital cu 10%”, el a bisa. “Pero si bo mira con admision den hospital a progresa durante e periodo, bo no por mira ningun efecto di e introduccion ni di e cambio di ora [di 9pm pa 10pm].” Sinembargo, Kuipers a bisa, mester a introduci e toque de queda pa combati e riesgonan presenta pa e forma mas infeccioso di e virus, identifica prome na Reino Uni. Nos tabatin un tasa di reproduccion di tiki menos di 1, y nos tabata sa cu esey lo aumenta cu e variante Britanico”, el a bisa.

Na Reino Uni e tempo aya, e tasa di reproduccion a aumenta cu entre 30% pa 40% y proyeccionnan inicial na Hulanda ta sugeri cu esaki lo bay for di menos di 1te 1.3, Kuipers a bisa.

E tasa di reproduccion na Hulanda actualmente ta alrededor di 1.05, pero no aumenta jna mas di 1.16 durante e periodo di toque de queda.

Oponentenan di toque de queda a usa comentarionan di Kuipers pa renoba e atake contra strategia di gobierno. Grupo anti-medida di coronavirus, Virus Waarheid, cu a bay corte pa purba declara e toque de queda como ilegal, a bisa cu lo usa comentarionan di Kuipers den accion legal nobo planea pa proximo siman. “Esaki ta sostene nos storia”, consehero legal di e grupo a bisa AD.

 

LEAVE A REPLY

Please enter your comment!
Please enter your name here