Radisson Blu Aruba orguyosamente a marca su di cinco aniversario dia 2 di april ultimo, celebrando un trayectorio cu a cuminsa durante un di e momentonan di mayor reto pa biahe global y desde esey a crece bira un hotel reconoci na e isla, lidera pa un team local.

“Esaki tabata un edificio incompleto di condominio na Palm Beach cu nos tuma over y a converti den un hotel completamente operacional. Sin acceso directo na beach, nos tabata sa cu nos mester ta creativo y enfoca riba loke realmente ta importante, duna servicio genuino y crea experiencianan cu ta sinti autentico di Aruba. For di prome dia, ta bay tocante haci cos na nos manera,” segun Luigi Wix, General Manager.

Awe, Radisson Blu Aruba ta bay ta lidera pa un team di liderazgo completamente local y a construi un reputacion no solo pa su producto, sino pa su hende, estableciendo su mes como un dunador di trabao preferi na e isla, cu pago cu ta sobresali den e mercado.

Un celebracion special na Blu Tap Cider

E evento principal di aniversario a tuma lugar na Blu Tap Cider, e prome cider bar y un di e conceptonan mas nobo di e resort.

E celebracion a duna bon bini na cliente y partner pa un anochi di cider tasting, canapé selecto, stacion di cuminda di lama, Veuve Clicquot sirbi durante e anochi, y un experiencia di cortamento en bibo di Jamón Ibérico di Don Esteban Gourmet, e concepto di tapas Spaño di e hotel.

Un brindis na cas pa huespednan

Dia 1 di april, e hotel a tene un brindis di aniversario riba su dak pa invitadonan in-house, cu Veuve Clicquot, canapé selecto, y musica en bibo di steelpan.

Campaña “5 Aña, 5 Storia”

E aniversario tambe a inclui e campaña “5 Aña, 5 Stroria,” resaltando momentonan clave di e trayectorio di e hotel. Como parti di e campaña, cinco ganador a ricibi un estadia di tres anochi pa $5, simbolisando e logro di cinco aña.

Cu mira pa futuro

Despues di cinco aña, Radisson Blu Aruba ta keda comprometi na su hende, su raiz local, y haci cosnan diferente.

“Mirando pa dilanti, nos enfoke ta keda cla. Nos ta bay sigui inverti den nos hende, reforsa un team construi riba talento local, y mantene nos posicion como un di e hotelnan cu ta paga miho na e isla. E ta bay tocante continua haci cos na nos manera. E mesun enfoke ey ta bay duna forma na e experiencia cu nos ta crea pa nos huespednan, manteniendo un experiencia genuino, social, y conecta na e isla,” segun Dhareska Gutierrez, Director of Commercial Strategy.

E hotel ta bay sigui evoluciona, cu idea y concepto nobo na caminda, den un manera cu ta respeta con localnan ta biba y disfruta di Aruba.

Pa mas informacion of pa haci un reservacion na e hotel aki, ganador di premio, bishita www.bluaruba.com of https://www.choicehotels.com/AW007.