(ElNuevoHeraldo) – E empresa petrolero Ruso Rosneft ta studiando su participacion den modernisacion di e refineria Cubano di Cienfuegos, asina e empresa estatal Ruso, esun mas grandi di e pais, a informa ayera.
E perspectivanan di e participacion aki a keda trata diadomingo den e reunion entre e presidente di Cuba, Raúl Castro, y e director ehecutivo di Rosneft, Igor Sechin, cu ta actualmente riba un gira den America Latino.
E partidonan a trata tambe e tema di suministro di petroleo y derivado na Cuba y e realisacion di futuro proyecto conhunto pa produccion di petroleo den teritorio Cubano, tanto na tera como riba lama.
Tanto Castro como Sechin a demostra confiansa cu e experiencia y e tecnologia di Rosneft lo yuda pa probecha di e recursonan di hidrocarburo fosil di e pais Caribense.
Manera conoci e compania Ruso a fia Citgo na Merca placa y asina a ricibi 49,9 porciento di e accionnan. Citgo ta huur e refineria na Aruba.
