Entrada hudicial na oficina Whitehill y Wapenaar

Ministerio Publico finalmente a informa riba e motibo di e entradanan hudicial diadomingo y diamars den entro dos supermercado. Esaki ta e informacion oficial:

RST a tuma den e anochi di prome di november 2015, na tres diferente sitio un suma di placa cash hopi grandi den beslag y varios arma (entre nan, un arma di candela). E placa a wordo haya cerca personanan cu ta wordo sospecha di ta bankeronan ilegal y di ta envolvi den asina yama “underground banking”.

E accion, cu tabata bao guia di Ministerio Publico di Aruba, ta relaciona cu un investigacion local cu tin algun luna andando. A tene inval na tres diferente sitio. RST (Recherche Samenwerkingsteam), hunto cu Cuerpo Policial Aruba, FIOD (Fiscale Inlichtingen en Opsporingsdienst) y Koninklijke Marechaussee, a tene inval den un cas na Bushiri y dos supermercado na Santa Helenastraat y Caya Ritmo, di cual ta wordo sospecha cu nan tabata fungi como cover pa undergroundbanking.

4 detencion
Ora a ristra na e sitionan aki, a haya e placa y armanan. Na momento cu a traha e relato di prensa aki, e stand van zaken tabata c uta trata di un suma di mas cu 900.000 florin den varios valuta. A detene cuatro sospechoso, dos homber di 36 y 47 ana, y dos muher di 36 y 39 ana. Nan ta wordo sospecha di tabata meti den underground banking y posiblemente den labamento di placa. Tur cuatro a keda den detencion.

A cuminsa un investigación di siguimento na e procedencia di e placa.

LEAVE A REPLY

Please enter your comment!
Please enter your name here